અભિનેત્રીએ આખરે તોડ્યું મૌન! નુસરત ભરૂચાના વીડિયોમાં તે ‘વિચિત્ર અવાજ’ કોનો હતો? નુસરતે એ જ રૂમ અને ત્યાં હાજર નાના ગલુડિયાનો નવો વીડિયો પણ પુરાવા તરીકે અપલોડ કર્યાે બોલિવૂડ અભિનેત્રી નુસરત ભરૂચા છેલ્લા કેટલાક દિવસોથી સોશિયલ મીડિયા પર પોતાની એક ઇન્સ્ટાગ્રામ સ્ટોરીને કારણે ભારે ચર્ચા અને ટ્રોલિંગનો સામનો કરી રહી છે. આઈપીએલ ૨૦૨૬ની ફાઇનલ મેચ જાેતી વખતે નુસરતે એક વીડિયો પોસ્ટ કર્યાે હતો, જેના બેકગ્રાઉન્ડમાં આવી રહેલા કેટલાક વિચિત્ર અવાજાેને કારણે ઇન્ટરનેટ પર જાતજાતની અફવાઓ અને અટકળો શરૂ થઈ ગઈ હતી. આ ઓનલાઈન હોબાળા અને ટ્રોલિંગ વચ્ચે હવે નુસરત ભરૂચાએ એક નવો વીડિયો શેર કરીને આ મામલે વિગતવાર સ્પષ્ટતા કરી છે અને લોકોને વગર વિચારે તારણો પર ન આવવા વિનંતી કરી છે.સોશિયલ મીડિયા પર ચાલી રહેલી નકારાત્મકતાનો અંત લાવતા નુસરત ભરૂચાએ એ જ લોકેશન પરથી નવો વીડિયો શેર કર્યાે છે જ્યાં તે મેચ જાેઈ રહી હતી. આ વિવાદ પર ખુલાસો કરતા નુસરતે જણાવ્યું કે, “તમારા વાઇલ્ડ વિચારોને જરા શાંત રાખો. સોશિયલ મીડિયા પર જે અવાજને લઈને હોબાળો મચાવવામાં આવી રહ્યો છે, તે કોઈ માણસનો નથી પરંતુ ઘરમાં હાજર કૂતરાના નાના બચ્ચાનો છે. મેં એ જૂનો વીડિયો પહેલાં એટલા માટે ડિલીટ કરી દીધો હતો કારણ કે મને શંકા હતી કે લોકો તેનો ખોટો અર્થ કાઢશે, અને આખરે એવું જ થયું.”તેણે વધુમાં ઉમેર્યું કે, “હું લોકોને અપીલ કરું છું કે ઓનલાઈન કોઈને પણ હેરાન કરવાનું બંધ કરો અને સોશિયલ મીડિયા પર કોઈ પણ ધારણાઓ ફેલાવતા પહેલાં જવાબદારીપૂર્વક વિચારો.” પોતાની વાત સાબિત કરવા માટે નુસરતે એ જ રૂમ અને ત્યાં હાજર નાના ગલુડિયાનો નવો વીડિયો પણ પુરાવા તરીકે અપલોડ કર્યાે છે. આ સિવાય સોશિયલ મીડિયા પર તેના નામે વાયરલ થઈ રહેલા એક ફેક સ્ટેટમેન્ટ અંગે પણ તેણે ખુલાસો કર્યાે હતો.નુસરતે સ્પષ્ટ શબ્દોમાં જણાવ્યું કે, “સોશિયલ મીડિયા પર મારી સત્તાવાર પ્રતિક્રિયા તરીકે જે સ્ક્રીનશોટ વાયરલ થઈ રહ્યો છે તે તદ્દન ખોટો છે અને મેં એવું કોઈ સ્ટેટમેન્ટ પોસ્ટ નથી કર્યું. મારા ફોલોઅર્સને મારી વિનંતી છે કે આવા કોઈ પણ અનધિકૃત કન્ટેન્ટ પર વિશ્વાસ ન કરો અને કોઈ પણ માહિતી આગળ શેર કરતા પહેલાં તેની સત્યતા તપાસી લો.”જાેકે, નુસરતની આ લેટેસ્ટ સ્પષ્ટતા બાદ સોશિયલ મીડિયા પર ચાલી રહેલી તમામ અફવાઓ પર હવે પૂર્ણવિરામ મુકાઈ ગયું છે. પ્રોફેશનલ લાઈફની વાત કરીએ તો, નુસરત ભરૂચા આગામી સમયમાં મનોજ બાજપેયી સાથે ફિલ્મ ‘ઘૂસખોર પંડુત’ જેનું ટાઈટલ ટૂંક સમયમાં બદલાય તેવી શક્યતા છે. આ સિવાય તે‘બન ટીક્કી’ નામની ફિલ્મમાં જાેવા મળશે.
