પુતિનના નજીકના વ્યક્તિએ કરી જાહેરાત ડીઝલ પછી, હવે રશિયા સાથે મોટી ડીલ કરશે અમેરિકા તેમણે જણાવ્યું કે રશિયન પરમાણુ ઊર્જા દ્વારા સંચાલિત સંભવિત સંયુક્ત ડેટા સેન્ટર પ્રોજેક્ટ્સ પર ચર્ચા હાલમાં થઈ રહી છે રાષ્ટ્રપતિ વ્લાદિમીર પુતિનના રોકાણ દૂત, કિરિલ દિમિત્રીવે જાહેરાત કરી કે રશિયા અને યુનાઇટેડ સ્ટેટ્સ એક મોટી ડીલ પર ચર્ચા કરી રહ્યા છે. તેમણે જણાવ્યું હતું કે રશિયન પરમાણુ ઊર્જા દ્વારા સંચાલિત સંભવિત સંયુક્ત ડેટા સેન્ટર પ્રોજેક્ટ્સ પર ચર્ચા થઈ રહી છે. આ દરખાસ્ત તાજેતરના ડીઝલ ડીલને અનુસરે છે અને યુનાઇટેડ સ્ટેટ્સ સાથે આર્થિક સંબંધોને વધુ ગાઢ બનાવવાના પ્રયાસ તરીકે જાેવામાં આવે છે. ૧૭ ઓક્ટોબરના રોજ બોલતા, દિમિત્રીવે ખુલાસો કર્યો કે પ્રારંભિક ચર્ચાઓમાં એવી સુવિધાઓનો સમાવેશ થાય છે, જે રશિયન પરમાણુ ઊર્જા પ્લાન્ટ દ્વારા ઉત્પન્ન થતી વીજળીનો ઉપયોગ કરી શકે છે, જેમાં નાના મોડ્યુલર પરમાણુ રિએક્ટરનો સમાવેશ થાય છે, જેથી આધુનિક ડેટા ઇન્ફ્રાસ્ટ્રક્ચરની ઝડપથી વધતી જતી ઊર્જા માંગને પહોંચી વળવામાં આવે.
દિમિત્રીવે કહ્યું કે રશિયા અને યુનાઇટેડ સ્ટેટ્સ ટૂંક સમયમાં તાજેતરના ડીઝલની ડીલ ઉપરાંત નવી ડીલની જાહેરાત કરશે. તેમણે સમજાવ્યું કે બંને પક્ષો રશિયન અને અમેરિકન ડેટા સેન્ટરો પર સાથે મળીને કામ કરવાની શક્યતા પર વિચાર કરી રહ્યા છે, જેમાંથી કેટલાક નાના પરમાણુ ઊર્જા પ્લાન્ટ દ્વારા સંચાલિત થઈ શકે છે. તેમણે આશા વ્યક્ત કરી કે યુક્રેનમાં મોસ્કોના ખાસ લશ્કરી કાર્યવાહીના અંત પહેલા આ પહેલ શરૂ થઈ શકે છે. જાે કે, આ ચર્ચાઓ છતાં, ઘણા અવરોધો બાકી છે.
તેમણે લિન્ડસે ઓ. ગ્રેહામ સેન્ક્શનિંગ રશિયા એન્ડ ઈરાન એક્ટ ઓફ ૨૦૨૬ની ટીકા કરી હતી, જેને ગયા મહિને યુએસ પ્રમુખ ડોનાલ્ડ ટ્રમ્પે કાયદામાં રૂપાંતરિત કર્યું હતું, ભારે ટેરિફ અને વેપાર પ્રતિબંધો દ્વારા રશિયન ઊર્જા આવક ઘટાડવા બદલ. તેમણે આ આરોપને ખોટો અને ભ્રામક ગણાવ્યો.
તાજેતરમાં, રાષ્ટ્રપતિ ડોનાલ્ડ ટ્રમ્પે લિન્ડસે ઓ. ગ્રેહામ સેન્ક્શનિંગ રશિયા એન્ડ ઈરાન એક્ટ ઓફ ૨૦૨૬ હેઠળ મુખ્ય પ્રતિબંધો, ટેરિફ અને વેપાર પ્રતિબંધોને માફ કરતા એક એક્ઝિક્યુટિવ ઓર્ડર પર હસ્તાક્ષર કર્યા હતા. આ કાયદાએ રશિયન ઊર્જાના મુખ્ય વૈશ્વિક ખરીદદારો પર ૧૦૦ ટકા સુધીના ટેરિફ લગાવ્યા હોત, પરંતુ વહીવટીતંત્રે આ પ્રતિબંધોને માફ કરવામાં યુએસ રાષ્ટ્રીય સુરક્ષા અને આર્થિક હિતોનો ઉલ્લેખ કર્યો છે.
યુએસમાં વધતી જતી ઇંધણની કિંમતોને રોકવા માટે સ્થાનિક અને વૈશ્વિક બજારો માટે ૩૦૦,૦૦૦ ટનથી વધુ રશિયન ડીઝલ મેળવવા માટે મોસ્કો સાથે ડીલ કરી છે. જે ડીલ બાદ, યુએસ ડિપાર્ટમેન્ટ ઓફ ટ્રેઝરી દ્વારા એપ્રિલ ૨૦૨૭ સુધી રશિયન ડીઝલ સંબંધિત વ્યવહારોને અધિકૃત કરવા માટે એક કામચલાઉ સામાન્ય લાઇસન્સ જાહેર કરવામાં આવ્યું છે.
