અનિલ અંબાણીની મુશ્કેલી વધી, ED પછી હવે CBI એ પાડ્યા દરોડા,બેંક છેતરપિંડી કેસમાં CBI એ સવારે મુંબઈમાં RCOM અને અનિલ અંબાણી સંબંધિત સ્થળોએ દરોડા પાડ્યા હતા
ઉદ્યોગપતિ અનિલ અંબાણીની મુશ્કેલીઓ આ દિવસોમાં ઓછી થવાનું નામ નથી લઈ રહી. ૧૭,૦૦૦ કરોડ રૂપિયાના બેંક છેતરપિંડી કેસના સંદર્ભમાં સેન્ટ્રલ બ્યુરો ઓફ ઇન્વેસ્ટિગેશન (CBI) એ શનિવારે સવારે મુંબઈમાં RCOM અને અનિલ અંબાણીના પરિસરમાં દરોડા પાડ્યા હતા. CBI અધિકારીઓ સવારે ૭ વાગ્યે સીવિન્ડ, કફ પરેડ ખાતેના અંબાણીના નિવાસસ્થાને પહોંચ્યા હતા. સૂત્રોના જણાવ્યા અનુસાર, સાતથી આઠ અધિકારીઓ પરિસરમાં પહોંચ્યા છે અને ત્યારથી શોધખોળ કરી રહ્યા છે. તલાશી દરમિયાન અંબાણી અને તેમના પરિવારના સભ્યો નિવાસસ્થાને હાજર હતા. CBI ની આ કાર્યવાહી કથિત લોન છેતરપિંડી કેસની તપાસના ભાગ રૂપે આવી છે, જેમાં એજન્સી રિલાયન્સ છડ્ઢછ ગ્રુપ સાથે સંકળાયેલી કંપનીઓમાં તેની તપાસનો વિસ્તાર કરી રહી છે. અગાઉ ૪ ઓગસ્ટના રોજ, એન્ફોર્સમેન્ટ ડિરેક્ટોરેટ (ED) એ અનિલ અંબાણીની કંપનીઓ સાથે સંકળાયેલા કથિત ૧૭,૦૦૦ કરોડ રૂપિયાના લોન છેતરપિંડીના કેસમાં કાર્યવાહી કરી હતી. અનિલ અંબાણીને સમન્સ મોકલ્યાના થોડા દિવસો પછી, એજન્સીએ પ્રિવેન્શન ઓફ મની લોન્ડરિંગ એક્ટ (PMLA) હેઠળ પૂછપરછ માટે તેમના ઘણા ઉચ્ચ અધિકારીઓને સમન્સ જારી કર્યા હતા.
તપાસ અધિકારીઓ યસ બેંક તરફથી અનિલ અંબાણીની કંપનીઓને આપવામાં આવેલી મોટી લોનની તપાસ કરી રહ્યા છે અને એ પણ તપાસ કરી રહ્યા છે કે લોનની રકમ ગ્રુપની અન્ય કંપનીઓ કે શેલ કંપનીઓને ટ્રાન્સફર કરવામાં આવી હતી કે નહીં. અનિલ અંબાણીએ લોન છેતરપિંડીના કેસમાં દસ્તાવેજાે રજૂ કરવા માટે ED પાસેથી ૧૦ દિવસનો સમય માંગ્યો હતો, પરંતુ અધિકારીઓનું કહેવું છે કે તેમણે તેનું સંપૂર્ણ પાલન કર્યું નથી. બેંક પાસેથી લેવામાં આવેલી લોનના દુરુપયોગને શોધવા માટે તપાસ અધિકારીઓએ તેમના પ્રયાસો વધુ તીવ્ર બનાવ્યા છે. CBI અને ED આ મામલાની ઊંડાણપૂર્વક તપાસ કરી રહ્યા છે.
