Bank of Baroda : રિઝર્વ બેંક ઓફ ઈન્ડિયા (RBI) એ 7 મહિના પહેલા બેંક ઓફ બરોડાની મોબાઈલ એપ બોબ વર્લ્ડ પર પ્રતિબંધ મુક્યો હતો. હવે આરબીઆઈએ આ પ્રતિબંધ હટાવી દીધો છે. મતલબ કે બેંક ઓફ બરોડાના ગ્રાહકો હવે આ એપ દ્વારા સરળતાથી બેંકિંગ સેવાઓનો લાભ લઈ શકશે.
બેંક ઓફ બરોડાએ આ અંગેની સૂચના જારી કરી છે. આ નોટિફિકેશનમાં બેંકે કહ્યું કે સેન્ટ્રલ બેંકે 8 મે 2024ના તેના પત્રમાં BOB વર્લ્ડ પરનો પ્રતિબંધ તાત્કાલિક અસરથી હટાવવાનો આદેશ આપ્યો છે. હવે બેંકો BOB વર્લ્ડ દ્વારા ગ્રાહકોનો મુક્તપણે સંપર્ક કરી શકે છે.
બોબ વર્લ્ડ પર શા માટે પ્રતિબંધ મૂકવામાં આવ્યો?
મીડિયા રિપોર્ટ્સ અનુસાર, બોબ વર્લ્ડ તેના ગ્રાહકોના એકાઉન્ટ સાથે છેડછાડ કરી રહી હતી. BOB વર્લ્ડ એપે ગ્રાહકની મંજૂરી વગર મોબાઈલ નંબરને એપ સાથે લિંક કરી દીધો. આ કારણોસર RBIએ ઓક્ટોબર 2023માં બોબ વર્લ્ડ વિરુદ્ધ કાર્યવાહી કરી હતી.
બેંક ઓફ બરોડાના શેર પર એક્શન જોવા મળશે
જાણકારોનું કહેવું છે કે આરબીઆઈ દ્વારા આપવામાં આવેલી રાહતની અસર આજે બેંક ઓફ બરોડાના શેર પર જોવા મળશે. બુધવારે બેન્કનો શેર 1 ટકાના વધારા સાથે રૂ. 262.90 પ્રતિ શેર પર બંધ થયો હતો.
છેલ્લા 6 મહિનામાં બેંકના શેરે 36.22 ટકા વળતર આપ્યું છે. તે જ સમયે, બેંકના શેરે એક વર્ષમાં 47.82 ટકા વળતર આપ્યું છે.
