સતત બીજા દિવસે AMC કર્મચારીઓનું વિરોધ પ્રદર્શન.ફિક્સ પગાર પર કામ કરતા કર્મચારીઓને કાયમી કરવા અને તેમને નિયમિત કર્મચારીઓ જેટલા લાભો આપવાની પણ માંગ કરવામાં આવી રહી છ.અમદાવાદ મ્યુનિસિપલ કોર્પોરેશન (AMC)ના કર્મચારીઓ અને નોકર મંડળ દ્વારા પોતાની ૧૯ પડતર માંગણીઓને લઈને સતત બીજા દિવસે વિરોધ પ્રદર્શન ચાલુ રાખવામાં આવ્યું છે. આ કર્મચારીઓનો મુખ્ય આક્ષેપ એ છે કે વારંવાર રજૂઆતો કરવા છતાં અને મ્યુનિસિપલ કમિશનરને આવેદનપત્ર આપવા છતાં તેમની માંગણીઓ સ્વીકારવામાં આવતી નથી. આ વિરોધ પ્રદર્શનમાં મોટી સંખ્યામાં કર્મચારીઓ જાેડાયા છે અને તેમણે પોતાની નારાજગી વ્યક્ત કરી છે. જાે તેમની માંગણીઓ સ્વીકારવામાં નહીં આવે તો આ આંદોલનને વધુ ઉગ્ર બનાવવાની ચીમકી પણ ઉચ્ચારવામાં આવી છે, જેનાથી શહેરની સેવાઓ પર અસર થવાની શક્યતા છે.છસ્ઝ્ર નોકર મંડળની મુખ્ય માંગણીઓમાં પગાર વધારો, કાયમી નોકરી, આરોગ્ય વીમા યોજના, અને અન્ય ભથ્થાંનો સમાવેશ થાય છે. આ ઉપરાંત, ઘણાં સમયથી ફિક્સ પગાર પર કામ કરતા કર્મચારીઓને કાયમી કરવા અને તેમને નિયમિત કર્મચારીઓ જેટલા લાભો આપવાની પણ માંગ કરવામાં આવી રહી છે. કર્મચારીઓનું કહેવું છે કે મોંઘવારીના આ સમયમાં તેમને પૂરતો પગાર મળતો નથી અને તેથી તેમનું જીવન મુશ્કેલ બન્યું છે. ગતરોજ પણ આ જ મુદ્દાઓને લઈને વિરોધ પ્રદર્શન કરવામાં આવ્યું હતું, પરંતુ કોઈ સકારાત્મક પ્રતિસાદ ન મળતા આજે પણ આ પ્રદર્શન ચાલુ રાખવાનો ર્નિણય લેવામાં આવ્યો હતો.
જાે આ વિરોધ પ્રદર્શન લાંબું ચાલશે, તો અમદાવાદ શહેરની નાગરિક સેવાઓ જેવી કે સફાઈ, પાણી પુરવઠો, અને અન્ય વહીવટી કામગીરી પર તેની સીધી અસર પડી શકે છે. નોકર મંડળના આગેવાનોએ સ્પષ્ટ કર્યું છે કે જાે તંત્ર દ્વારા તેમની માંગણીઓ પ્રત્યે ઉદાસીનતા દાખવવામાં આવશે, તો તેઓ અચોક્કસ મુદતની હડતાળ પર ઉતરી શકે છે. આ પરિસ્થિતિ શહેરના નાગરિકો માટે પણ મુશ્કેલી ઊભી કરી શકે છે. તેથી, વહેલી તકે આ મામલાનો ઉકેલ લાવવો જરૂરી છે જેથી બંને પક્ષો માટે અનુકૂળ પરિણામ આવે અને શહેરની સેવાઓ અવરોધાય નહીં.
