ગુજરાતમાં ઉદ્યોગોના વિકાસ માટે સરકારે તૈયાર કર્યો માસ્ટર પ્લાન.ગુજરાત વિધાનસભામાં નાણામંત્રી કનુ દેસાઈ દ્વારા રજૂ કરવામાં આવેલું બજેટ ૨૦૨૬-૨૭ ઐતિહાસિક રહ્યું છે. આ બજેટમાં મુખ્યત્વે ભાવિ ટેકનોલોજી, રમતગમતનું આંતરમાળખું અને મધ્યમ વર્ગને સ્પર્શતી યોજનાઓ પર ભાર મૂકવામાં આવ્યો છે.
જાે કે ગુજરાત પોતાનાં ઉદ્યોગો અને સ્ટાર્ટઅપ ઈકોસિસ્ટમ માટે જાણીતું છે. તેવામાં નવા સ્ટાર્ટઅપ્સ અને હાલમાં ચાલી રહેલા ઉદ્યોગોને વેગ આપવા માટે સરકાર દ્વારા પાંચ મહત્વપુર્ણ જાહેરાત કરવામાં આવી હતી. જાણો ઉદ્યોગો માટે કઇ પાંચ મહત્વપુર્ણ જાહેરાતો કરવામાં આવી અને તેના કારણે ઉદ્યોગો તથા ગુજરાતની ઇકોસિસ્ટમને શું ફાયદો થશે.
(૧) સ્ટાર્ટઅપ ક્રાંતિ: અમદાવાદના i-Hub નું હવે ચાર મોટા શહેરોમાં વિસ્તરણ; સુરત, વડોદરા, રાજકોટ અને મહેસાણામાં ખુલશે રીજનલ સેન્ટર.
(૨) સ્માર્ટ GIDC:રાજ્યની ૨૫ GIDC ને રૂ.૧૨૫૦૦ કરોડના ખર્ચે ‘સ્માર્ટ‘ બનાવાશે; ૧૨૦ મિની GIDC નું પણ થશે નવીનીકરણ.
(૩) નિકાસને વેગ: નિકાસકારોને પ્રોત્સાહન અને આર્થિક સપોર્ટ આપવા ‘ગુજરાત સ્ટેટ એક્સપોર્ટ પ્રમોશન કાઉન્સીલ (GEPC) ની સ્થાપના થશે.
(૪) આદિવાસી રોજગારી: દાહોદ અને અરવલ્લી સહિતના વિસ્તારોમાં ૫ નવી ઔદ્યોગિક વસાહતો સ્થપાશે.
(૫) ટેક્સટાઇલ હબ: ટેક્સટાઇલ પોલિસી માટે રૂ.૨૭૫૫ કરોડની ફાળવણી; લાખો નવી રોજગારીની અપેક્ષા.
ઉદ્યોગ અને ખાણ માટે રૂ.૯૮૭૩ કરોડની જાેગવાઇ
* ટેક્સટાઇલ એકમોનાં પ્રોત્સાહન અર્થે રૂ.૨૭૫૫ કરોડની જાેગવાઇ.
* આર્ત્મનિભર ગુજરાત સ્કીમ ફોર આસિસ્ટન્સ ટુ MSME માટે રૂ.૧૭૭૫ કરોડની જાેગવાઇ.
* ધોલેરા ખાતે ઇન્ફ્રાસ્ટ્રક્ચર ઓગ્મેન્ટેશન હેઠળ રસ્તાઓનો વિકાસ કરવા માટે રૂ.૧૮૨ કરોડની જાેગવાઇ.
* ઔદ્યોગિક ઇન્ફ્રાસ્ટ્રકચરને સહાય યોજના અંતર્ગત રૂ.૫૫ કરોડની જાેગવાઇ.
* ઔદ્યોગિક પાર્કને સહાય યોજના અંતર્ગત રૂ.૫૫ કરોડની જાેગવાઇ.
* દહેજ અને સાયખા ઔદ્યોગિક વસાહતમાં CETP માટે રૂ.૫૦ કરોડની જાેગવાઇ.
* અદ્યતન સુવિધાઓ સાથેના વૈશ્વિક કક્ષાના સ્માર્ટ ઔદ્યોગિક વસાહતોની સ્થાપના માટે રૂ.૫૦ કરોડનું આયોજન.
* ગુજરાત ઇન્ટીગ્રેટેડ લોજીસ્ટીક ફેસીલીટીઝને સહાય યોજના અંતર્ગત રૂ.૩૦ કરોડની જાેગવાઇ.
* ઔદ્યોગિક વસાહતોને જાેડતાં રસ્તાઓની સ્વચ્છતા માટે રૂ.૧૦ કરોડની જાેગવાઇ.
* રાજ્યની નિકાસ ક્ષમતા વધારવા ગુજરાત એક્સપોર્ટ પ્રમોશન કાઉન્સિલ (GEPC)ની સ્થાપના કરવાનું આયોજન.
કુટિર અને ગ્રામોદ્યોગ પ્રભાગ માટે રૂ.૯૭૯ કરોડની જાેગવાઇ
* “વાજપાઈ બેંકેબલ યોજના” હેઠળ સબસિડી સહાય માટે રૂ.૪૯૪ કરોડની જાેગવાઇ.
* ખાદી સંસ્થા/મંડળીઓને વિવિધ સ્થળોએ પ્રદર્શન મેળા યોજી વેચાણ ક્ષમતા વધારવા રૂ.૫૭ કરોડની જાેગવાઇ.
* One District One Product(ODOP) ઉત્પાદનોને પ્રોત્સાહન મળી રહે તે માટે રૂ.૨૫ કરોડની જાેગવાઇ.
* કુટિર પ્રભાગના પરંપરાગત કારીગરોને આધુનિક ડિજિટલ માર્કેટ સાથે જાેડી તેમની આવક વધારવાના હેતુથી ઇ- કોમર્સ માટે સહાય.
