Milk Price Hike: કર્ણાટક મિલ્ક ફેડરેશને મંગળવારે સમગ્ર રાજ્યમાં નંદિની દૂધના ભાવમાં 2 રૂપિયાનો વધારો કર્યો છે. કર્ણાટક મિલ્ક ફેડરેશન (KMF) એ મંગળવારે 26 જૂનથી દૂધના ભાવમાં વધારો કરવાની જાહેરાત કરી હતી, પરંતુ એમ પણ કહ્યું હતું કે તે અડધા અને એક લિટરની બેગમાં 50 મિલીનો વધારો કરશે. થોડા દિવસ પહેલા જ કર્ણાટક સરકારે ઈંધણ પર સેલ્સ ટેક્સમાં વધારો કર્યો હતો, જેના કારણે રાજ્યમાં પેટ્રોલ ત્રણ રૂપિયા પ્રતિ લીટર અને ડીઝલ સાડા ત્રણ રૂપિયા મોંઘુ થયું હતું.
આવતીકાલથી નંદિની દૂધ બે રૂપિયા મોંઘુ થશે
KMFએ એક નિવેદનમાં જણાવ્યું હતું કે, “હાલમાં લણણીની મોસમ હોવાથી, તમામ જિલ્લા દૂધ સંઘો સાથે દૂધનો સંગ્રહ દરરોજ વધી રહ્યો છે અને વર્તમાન સંગ્રહ લગભગ એક કરોડ લિટર છે. આ પૃષ્ઠભૂમિમાં, દરેક થેલીની કિંમતમાં 2 રૂપિયાનો વધારો કરવામાં આવી રહ્યો છે અને ગ્રાહકોને દરેક અડધા લિટર (500 મિલી) અને એક લિટર (1000 મિલી) બેગમાં વધારાનું 50 મિલી દૂધ આપવામાં આવી રહ્યું છે.”
550 ml ની બેગ 24 રૂપિયામાં મળશે
હાલમાં નંદિનીની 500 ml દૂધની થેલીની કિંમત 22 રૂપિયા છે. આ વધારા બાદ હવે 550 mlની બેગ 24 રૂપિયામાં મળશે. એ જ રીતે 1000 મિલી દૂધની થેલી 42 રૂપિયામાં મળતી હતી, પરંતુ હવે 1050 મિલી દૂધની થેલી 44 રૂપિયામાં મળશે. નંદિની બ્રાન્ડના દૂધની અન્ય કેટેગરીના ભાવમાં પણ વધારો કરવામાં આવ્યો છે.
તેમણે કહ્યું, “કર્ણાટક કોઓપરેટિવ મિલ્ક પ્રોડ્યુસર્સ ફેડરેશન ડેરી ઉદ્યોગમાં દેશનું બીજું સૌથી મોટું ફેડરેશન છે. KMF છેલ્લા પાંચ દાયકાઓથી તેના સભ્ય દૂધ સંઘો દ્વારા રાજ્યના 27 લાખથી વધુ ડેરી ખેડૂતો પાસેથી દૂધની ખરીદી અને પ્રક્રિયા કરી રહ્યું છે અને ‘નંદિની’ બ્રાન્ડ નામ હેઠળ વિવિધ પ્રકારની પ્રીમિયમ ગુણવત્તાયુક્ત દૂધ અને દૂધની બનાવટો ઓફર કરે છે.”
