હવામાન ચેતવણી: ઉત્તર-પશ્ચિમ અને મધ્ય ભારતમાં કાળઝાળ ગરમી, તાપમાન ૩૫°C સુધી પહોંચી શકે

કાળઝાળ ગરમીને લઈ હવામાન વિભાગની ચેતવણી ઉત્તર પશ્ચિમ અને મધ્ય ભારતમાં કાળઝાળ ગરમીનો માહોલ જામ્યો હવામાન વિભાગે માર્ચના પહેલા અઠવાડિયા દરમિયાન કેટલાક વિસ્તારોમાં ગરમી અને ભેજની ચેતવણી આપી છે

ધૂળેટી બાદ દિલ્હી, હરિયાણા અને ઉત્તર પ્રદેશ સહિત ઉત્તર ભારતમાં લોકોને તીવ્ર ગરમીનો સામનો કરવો પડી શકે છે. હવામાન વિભાગ અનુસાર, માર્ચના પહેલા અઠવાડિયામાં તાપમાન ૩૪-૩૫ ડિગ્રી સેલ્સિયસ સુધી પહોંચશે. આ અઠવાડિયે ઉત્તર પશ્ચિમ ભારતના ઘણા ભાગોમાં મહત્તમ તાપમાન સામાન્ય કરતા ૪ થી ૬ ડિગ્રી વધુ અને મધ્ય ભારતમાં સામાન્ય કરતા ૩-૫ ડિગ્રી વધુ રહેશે. હવામાન વિભાગે માર્ચના પહેલા અઠવાડિયા દરમિયાન કેટલાક વિસ્તારોમાં ગરમી અને ભેજની ચેતવણી આપી છે. દિલ્હી, પંજાબ, હરિયાણા, રાજસ્થાન, ઉત્તર પ્રદેશ અને હિમાચલ પ્રદેશ અને ઉત્તરાખંડના મેદાનોમાં તાપમાન વધવાની ધારણા છે IMD અનુસાર, ઉત્તર પશ્ચિમ ભારતના ઘણા વિસ્તારોમાં (જેમ કે પંજાબ, હરિયાણા, દિલ્હી, રાજસ્થાન અને ઉત્તર પ્રદેશના ભાગો) મહત્તમ તાપમાન સામાન્ય કરતા ૪ થી ૬ ડિગ્રી સેલ્સિયસ વધુ રહેવાની ધારણા છે. આ પરિસ્થિતિ આગામી સાત દિવસ સુધી ચાલુ રહી શકે છે. દરમિયાન, મધ્ય ભારત (મધ્ય પ્રદેશ, છત્તીસગઢ, વિદર્ભ, વગેરે) માં પણ તાપમાન સામાન્ય કરતા ૨ થી ૪ ડિગ્રી સેલ્સિયસ વધુ રહેશે. હવામાન વિભાગની આગાહી મુજબ, આગામી ચાર દિવસમાં મધ્ય ભારતના રાજ્યોમાં તાપમાન ૨-૪ ડિગ્રી વધી શકે છે.
આગામી ચાર દિવસમાં ઉત્તર-પશ્ચિમ મેદાની વિસ્તારોમાં તાપમાન ૨-૩ ડિગ્રી વધશે. જાેકે, ત્યારબાદ થોડો ફેરફાર થશે. આનાથી ગરમી પહેલા કરતા વધુ તીવ્ર લાગશે. IMD ની આગાહી મુજબ, મહારાષ્ટ્રમાં આગામી ચાર દિવસમાં તાપમાન ૨-૩ ડિગ્રી અને ગુજરાતમાં આગામી બે દિવસમાં ૨-૩ ડિગ્રી વધવાની ધારણા છે. જાેકે, તમિલનાડુ અને દેશના બાકીના ભાગોમાં તાપમાનમાં કોઈ ખાસ ફેરફાર થશે નહીં.