Congress Candidate List: કોંગ્રેસે લોકસભા ચૂંટણી 2024 માટે ઉમેદવારોની બીજી યાદી જાહેર કરી છે. પાર્ટીએ ઓડિશામાં ત્રણ અને પશ્ચિમ બંગાળની એક બેઠક માટે ઉમેદવારોના નામ જાહેર કર્યા છે.
પાર્ટીએ ટ્વિટર પર પોસ્ટ કર્યું, “કોંગ્રેસ અધ્યક્ષ મલ્લિકાર્જુન ખડગેની અધ્યક્ષતામાં યોજાયેલી કેન્દ્રીય ચૂંટણી સમિતિની બેઠકમાં, લોકસભા ચૂંટણી, 2024 માટે ઓડિશા અને પશ્ચિમ બંગાળના કોંગ્રેસના ઉમેદવારોની યાદી બહાર પાડવામાં આવી.”
પાર્ટીએ ઓડિશાની સંબલપુર બેઠક પરથી દુલાલ ચંદ્ર પ્રધાન, કેઓંઝર બેઠક પરથી બિનોદ બિહારી નાયક અને અસ્કા બેઠક પરથી દબકાંત શર્માને મેદાનમાં ઉતાર્યા છે. ઓડિશાની કેઓંઝર સીટથી પાર્ટીએ મોહન હેમબ્રમની જગ્યાએ બિનોદ બિહારી નાયકને ટિકિટ આપી છે. જ્યારે કોંગ્રેસે પશ્ચિમ બંગાળની કાંતિ બેઠક પરથી ઉરબશી ભટ્ટાચાર્યને ટિકિટ આપી છે
