દેશની પ્રથમ વંદે ભારત સ્લીપર ટ્રેનને લીલી ઝંડી, બંગાળમાં સુશાસન લાવવાનો વડાપ્રધાન મોદીએ કર્યો સંકલ્પ

બંગાળમાં પણ સુશાસન લાવીશું : વડાપ્રધાન મોદી.દેશની પ્રથમ વંદે ભારત સ્લીપર ટ્રેનને લીલી ઝંડી.વંદે ભારત સ્લીપરની મહત્તમ સ્પીડ ૧૮૦ કિલોમીટર પ્રતિ કલાક છે : હાવડાથી ગુવાહાટી વચ્ચેનું અંતર માત્ર ૧૪ કલાકમાં કાપશે.વડાપ્રધાન નરેન્દ્ર મોદીએ શુક્રવારે પશ્ચિમ બંગાળના માલદામાં એક જંગી જનસભાને સંબોધન કર્યું હતું. આ સાથે તેમણે દેશની પહેલી વંદે ભારત સ્લીપર ટ્રેનને લીલીઝંડી આપી હતી. તેમજ પશ્ચિમ બંગાળને હજારો કરોડ રૂપિયાના વિકાસકાર્યોની ભેટ આપતા કહ્યું હતું કે બંગાળમાં પણ અમે સુશાસન લાવીશું.

મહત્ત્વનું છે કે વંદે ભારત સ્લીપરની મહત્તમ સ્પીડ ૧૮૦ કિલોમીટર પ્રતિ કલાક છે. એ પશ્ચિમ બંગાળના હાવડાથી ગુવાહાટી (કામાખ્યા) વચ્ચેનું ૯૫૮ કિલોમીટરનું અંતર માત્ર ૧૪ કલાકમાં કાપશે. ટ્રેનની કુલ મુસાફર ક્ષમતા ૧૧૨૮ છે. એના ૧૬ કોચમાંથી ૧૧ એસી-૩ ટાયર કોચ, ચાર એસી-૨ ટાયર કોચ અને એક ફર્સ્ટ એસી કોચ છે. સ્લીપર ટ્રેનના થર્ડ એસીનું ભાડું રૂ.૨,૩૦૦ નક્કી કરવામાં આવ્યું છે. સેકન્ડ એસીનું ભાડું રૂ.૩,૦૦૦ હશે. ફર્સ્ટ એસીનું ભાડું અંદાજે રૂ. ૩,૬૦૦ છે. આ ટ્રેન હાવડા-ગુવાહાટી રૂટ પર મુસાફરીનો સમય લગભગ ૨.૫ કલાક જેટલો ઘટાડશે. હાલમાં, હાવડાથી ગુવાહાટી સુધીની ટ્રેનની મુસાફરીમાં લગભગ ૧૮ કલાકનો સમય લાગે છે.
વડાપ્રધાન નરેન્દ્ર મોદીએ પશ્ચિમ બંગાળની મમતા સરકાર પર નિશાન સાધતાં કહ્યું કે, ઘૂસણખોરોને કારણે આજે બંગાળમાં ઘણી જગ્યાએ જન સંતુલન ખોરવાઇ ગયું છે, ભાજપ સરકાર બનશે ત્યારે એક એક ઘૂસણખોરોને હાંકી કાઢવામાં આવશે. બંગાળના લોકોનું ત્યારે જ ભલું થશે જ્યારે અહીં દરેક કામમાં અડચણ પેદા કરનારી સરકારTMC નહીં રહે, વિકાસવાળી ભાજપ સરકાર હશે. માલદા તે જગ્યા છે જ્યાં પ્રાચીન સભ્યતાની ગૂંજ છે, રાજનીતિ છે, સંસ્કૃતિ છે