UGC-NET: મેડિકલ એન્ટ્રન્સ એક્ઝામ NEET બાદ હવે UGC NET પેપર લીકનો મામલો સામે આવ્યો છે. NEET અને UGC-NET વિદ્યાર્થીઓનો ગુસ્સો ચરમસીમાએ છે. સમગ્ર દેશમાં મેડિકલ અને યુજીસી નેટના વિદ્યાર્થીઓને રસ્તા પર ઉતરીને વિરોધ કરવાની ફરજ પડી છે. UGC NET પેપર લીકનું જોડાણ ડાર્કનેટ અને ટેલિગ્રામ દ્વારા પ્રકાશમાં આવ્યું છે. કેન્દ્રીય શિક્ષણ પ્રધાન ધર્મેન્દ્ર પ્રધાને ગુરુવારે કહ્યું કે UGC-NET પેપર લીક એ નેશનલ ટેસ્ટિંગ એજન્સી (NTA)ની સંસ્થાકીય નિષ્ફળતા છે. સરકાર તેની કામગીરીની તપાસ કરવા અને સુધારાની ભલામણ કરવા માટે એક ઉચ્ચ સ્તરીય સમિતિની રચના કરશે.
ડાર્કનેટ અને ટેલિગ્રામ પર પેપર્સ શેર કર્યા
આ સાથે શિક્ષણ મંત્રી ધર્મેન્દ્ર પ્રધાને કહ્યું કે, UGC-NET રદ કરવું એ અચાનક નિર્ણય નથી. અમને પુરાવા મળ્યા છે કે UGC-NET પેપર ડાર્કનેટ પર લીક થયા હતા. તેના પેપર્સ મેસેજિંગ પ્લેટફોર્મ ‘ટેલિગ્રામ’ પર શેર કરવામાં આવી રહ્યા હતા. તેથી UGC-NET પરીક્ષા રદ કરવાનો નિર્ણય લેવામાં આવ્યો હતો.
UGC-NET પેપર લીક પર NTAની નિષ્ફળતા
શિક્ષણ મંત્રીએ કહ્યું કે યુજીસી નેટ પેપર લીક થવું એ એનટીએની સંસ્થાકીય નિષ્ફળતા છે. સરકાર વિદ્યાર્થીઓને ખાતરી આપે છે કે ટૂંક સમયમાં એક સુધાર સમિતિની રચના કરવામાં આવશે અને દોષિતો સામે કડક કાર્યવાહી કરવામાં આવશે. તેમણે કહ્યું કે સરકાર NTAમાં સુધારાને લઈને એક ઉચ્ચ સ્તરીય સમિતિ બનાવવા જઈ રહી છે. આ સમિતિને ટૂંક સમયમાં સૂચિત કરવામાં આવશે અને વૈશ્વિક નિષ્ણાતોને પણ તેમાં સામેલ કરવામાં આવશે.
ડાર્કનેટ શું છે?
તમને જણાવી દઈએ કે ‘ડાર્ક વેબ’ અથવા ‘ડાર્કનેટ’ ઈન્ટરનેટનો તે ભાગ છે જે સર્ચ એન્જિનની પહોંચની બહાર છે. ડાર્કનેટ યુઝર્સ મોટાભાગે ફેક એકાઉન્ટ છે. તેમનું IP એડ્રેસ ઝડપથી શોધી શકાતું નથી. ડાર્કનેટનો ઉપયોગ મુખ્યત્વે બિટકોઈન અને ક્રિપ્ટોકરન્સી સાથેની ચુકવણી માટે થાય છે. તેવી જ રીતે, ટેલિગ્રામમાં આવા નકલી એકાઉન્ટ્સની સંખ્યા વધુ છે અને મોટી ફાઇલો પણ ત્યાં સરળતાથી મોકલી શકાય છે.
