પદ્મશ્રી એવોર્ડી પૂર્વ ઓલિમ્પિક ખેલાડીના મકાન પર બુલડોઝર ફેરવાયું

મોહમ્મદ શાહિદના પરિવારે વહીવટી તંત્રની આ કાર્યવાહીનો સખત વિરોધ કર્યો. તેમની ભાભી નાઝનીને જણાવ્યું કે, અમે કોઈ વળતર લીધું નથી અને અમારી પાસે બીજું મકાન નથી. આથી અમે બેઘર થઈ જઈશું.
શાહિદના મામાના દીકરા મુશ્તાકે આરોપ લગાવ્યો કે, મારા ઘરમાં લગ્ન પ્રસંગ છે અને અમારી પાસે બીજે ક્યાંય જમીન નથી. આ માત્ર વહીવટી ગુંડાગીરી છે અને પુનર્વસનની વ્યવસ્થા કરવામાં આવી રહી નથી. મુશ્તાકે એવો પણ આરોપ લગાવ્યો કે, મુસ્લિમ બહુમતીવાળા વિસ્તારમાં જાણી જાેઈને રોડને ૨૧ મીટરને બદલે ૨૫ મીટર પહોળો કરવામાં આવી રહ્યો છે અને આ માટે મંત્રી રવિન્દ્ર જયસ્વાલ જવાબદાર છે.
આ મામલે વારાણસીના છડ્ઢસ્ સિટી આલોક વર્માએ પોતાનો પક્ષ રજૂ કર્યો. તેમણે જણાવ્યું કે, રોડ પહોળીકરણમાં જે લોકોને વળતર આપી દેવામાં આવ્યું છે, તેમને હટાવવાની કાર્યવાહી કરવામાં આવી રહી છે. બુલડોઝરથી તોડતી વખતે થોડી-ઘણી તૂટ-ફૂટ થઈ શકે છે, પરંતુ કોઈપણ ભાગને બિનજરૂરી રીતે તોડવામાં આવી રહ્યો નથી.
મોહમ્મદ શાહિદના મકાન વિશે તેમણે જણાવ્યું કે, તેમના ઘરમાં ૯ સભ્યો છે, જેમાંથી ૬ને વળતર આપી દેવાયું હતું. ત્રણ લોકો પાસે સ્ટે ઓર્ડર હતો, તેથી તેમના ભાગને છોડી દેવામાં આવ્યો છે. છડ્ઢસ્ એ એવું પણ જણાવ્યું કે લગ્નનું કારણ આપીને પરિવારે સમય માંગ્યો હતો, પરંતુ તેમણે વળતર લેવા માટે માંગવામાં આવેલા દસ્તાવેજાે આપ્યા નહોતા.
જાણવા મળ્યું છે કે, લોક નિર્માણ વિભાગે સંદહાથી પોલીસ લાઇન સુધી રોડ પહોળીકરણનું કામ પૂરું કરી લીધું છે. આ તબક્કામાં પોલીસ લાઇન ચોકથી કચેરી વચ્ચે ૫૯ મકાનોને તોડવાની કાર્યવાહી ત્રણ તબક્કામાં પૂરી કરવામાં આવી ચૂકી છે. વહીવટી તંત્રનું કહેવું છે કે આ કાર્યવાહી કાયદા મુજબ કરવામાં આવી રહી છે.