IPL 2024: કોલકાતા નાઈટ રાઈડર્સ (KKR)ના કેપ્ટન શ્રેયસ ઐયરને રાજસ્થાન રોયલ્સ સામેની આઈપીએલ મેચ દરમિયાન ધીમી ઓવર રેટ માટે 12 લાખ રૂપિયાનો દંડ ફટકારવામાં આવ્યો છે. KKR ટીમ મંગળવારે તેના હોમ ગ્રાઉન્ડ ઈડન ગાર્ડન્સમાં રોયલ્સ સામે બે વિકેટથી હારી ગઈ હતી, જેમાં જોસ બટલરે 60 બોલમાં અણનમ 107 રન બનાવ્યા હતા.
IPLએ તેની પ્રેસ રિલીઝમાં કહ્યું – ન્યૂનતમ ઓવર રેટ સંબંધિત IPL કોડ ઓફ કન્ડક્ટ હેઠળ આ તેમની ટીમનો સીઝનનો પ્રથમ ગુનો હતો. તેથી ઐયર પર 12 લાખ રૂપિયાનો દંડ ફટકારવામાં આવ્યો છે. રોયલ્સની સાત મેચોમાં આ છઠ્ઠી જીત હતી, જ્યારે કેકેઆરને છ મેચમાં બીજી હારનો સામનો કરવો પડ્યો હતો. પોઈન્ટ ટેબલમાં રાજસ્થાનની ટીમ ટોપ પર છે અને કોલકાતાની ટીમ બીજા સ્થાને છે.
KKR vs RR મેચમાં શું થયું?
મેચની વાત કરીએ તો કોલકાતાએ છ વિકેટે 223 રન બનાવ્યા હતા. નરેન ઉપરાંત અંગક્રિશ રઘુવંશીએ 18 બોલમાં 30 રનની અણનમ ઇનિંગ રમી હતી અને રિંકુ સિંહે નવ બોલમાં 20 રનની અણનમ ઇનિંગ રમી હતી. રાજસ્થાન તરફથી અવેશ અને કુલદીપ સેને બે-બે વિકેટ લીધી હતી. જવાબમાં રાજસ્થાનની ટીમની શરૂઆત સારી રહી ન હતી. રાજસ્થાનને છેલ્લી છ ઓવરમાં 96 રનની જરૂર હતી. એક સમયે બટલર 33 બોલમાં 42 રન બનાવીને રમી રહ્યો હતો.
17મી ઓવરમાં રોવમેન પોવેલે સુનીલ નારાયણના બોલ પર બે સિક્સર અને એક ફોર ફટકારીને મેચનો પલટો ફેરવી દીધો હતો. જો કે તે એક જ ઓવરમાં આઉટ થઈ ગયો હતો, પરંતુ તેની ઈનિંગનો અર્થ એ થયો કે રાજસ્થાનને છેલ્લા 18 બોલમાં 46 રનની જરૂર હતી. આ છેલ્લા 46 રનમાંથી બટલરે 42 રન બનાવ્યા અને ટીમને જીત તરફ દોરી ગઈ. રાજસ્થાને 18મી ઓવરમાં 18 રન, 19મી ઓવરમાં 19 રન અને 20મી ઓવરમાં નવ રન બનાવ્યા હતા. બટલરને તેની શાનદાર ઇનિંગ્સ માટે પ્લેયર ઓફ ધ મેચ જાહેર કરવામાં આવ્યો હતો.
