ભારતીય મહિલા હોકી ટીમે ગુરુવારે અહીં હોકી 5 મહિલા વર્લ્ડ કપમાં નામીબિયાને 7-2થી હરાવીને ક્વાર્ટર ફાઇનલમાં પ્રવેશ કર્યો હતો. પૂલ સીમાં ભારતીય ટીમની આ સતત ત્રીજી જીત હતી. ટીમ હવે સેમિફાઇનલમાં સ્થાન મેળવવા માટે પૂલ ડીમાં બીજા સ્થાને રહેલી ન્યુઝીલેન્ડ સામે ટકરાશે. ભારતીય ટીમે પહેલા પોલેન્ડને 5-4થી અને પછીની મેચમાં અમેરિકાને 7-3થી હરાવ્યું હતું.
આ મેચની વાત કરીએ તો ભારતીય ખેલાડીઓએ મેચની શરૂઆતમાં જ બે ગોલ કરીને નામીબિયા પર દબાણ બનાવી દીધું હતું. ભારત માટે મહિલા ચૌથરી (3 અને 19 મિનિટ) અને દીપિકા (4 અને 26 મિનિટ)એ બે-બે ગોલ કર્યા હતા. રૂતજા (22મી મિનિટ), અક્ષતા (23મી મિનિટ) અને અજમિના (28મી)એ એક-એક ગોલ કર્યો હતો. નામિબિયા માટે જીવન્કા (18મી મિનિટ) અને એન્થિયા (30મી મિનિટ)એ એક-એક ગોલ કર્યો હતો.
