ઈરાનના પરમાણુ ખતરાને લઈને ચેતવણી અપાઈ તેલ અવીવ પર પરમાણુ વિસ્ફોટની AI તસવીરથી નેતન્યાહૂ ઘેરાયા ચૂંટણી પહેલાં ઈરાનના પરમાણુ ખતરાનો મુદ્દો ઉઠાવતાં વિપક્ષે નેતન્યાહૂ પર ભય ફેલાવવાનો આરોપ લગાવ્યો
ઇઝરાયેલમાં ચૂંટણી પહેલાં વડાપ્રધાન બેન્જામિન નેતન્યાહૂ દ્વારા સોશિયલ મીડિયા પર પોસ્ટ કરવામાં આવેલી આર્ટિફિશિયલ ઇન્ટેલિજન્સથી બનાવેલી તસવીરને લઈને રાજકીય વિવાદ ઊભો થયો છે. આ તસવીરમાં તેલ અવીવ શહેર ઉપર પરમાણુ વિસ્ફોટ થતો દર્શાવવામાં આવ્યો હતો. વિપક્ષી નેતાઓએ આરોપ લગાવ્યો છે કે નેતન્યાહૂ ઈરાનના પરમાણુ ખતરાનો મુદ્દો ઉઠાવીને મતદારોમાં ભય પેદા કરવાનો પ્રયાસ કરી રહ્યા છે.નેતન્યાહૂએ ઈરાનને ઇઝરાયેલ માટે અસ્તિત્વનો ખતરો ગણાવ્યો હતો. તેમણે જણાવ્યું કે અમેરિકાના રાષ્ટ્રપતિ ડોનાલ્ડ ટ્રમ્પના કાર્યકાળનાં આગામી બે વર્ષનો ઉપયોગ ઈરાનના પરમાણુ જાેખમનો સામનો કરવા માટે કરવો જાેઈએ.નેતન્યાહૂએ શેર કરેલી તસવીરમાં ગીચ વસ્તી ધરાવતા શહેર ઉપર વિશાળ પરમાણુ વિસ્ફોટ અને ધુમાડાનો ગોળો દેખાતો હતો. આ તસવીર સાથે તેમણે ઇઝરાયેલના લેખક અને રાજકીય ટીકાકાર યુવલ બ્લમબર્ગનું નિવેદન પણ શેર કર્યું હતું, જેમાં ઈરાનની પરમાણુ મહત્વાકાંક્ષાઓ સામે પગલાં લેવાની જરૂરિયાત પર ભાર મૂકવામાં આવ્યો હતો.નેતન્યાહૂની પોસ્ટ સામે ઇઝરાયેલના વિપક્ષી નેતાઓએ સવાલો ઉઠાવ્યા હતા. ડેમોક્રેટ્સના અધ્યક્ષ યાયર ગોલાને વડાપ્રધાન દ્વારા તેલ અવીવ ઉપર પરમાણુ બોમ્બની તસવીર પોસ્ટ કરવાના ર્નિણયની ટીકા કરી હતી. તેમણે આ પ્રકારની પોસ્ટને ચૂંટણી પહેલાં ચિંતાજનક ગણાવી હતી.યાશર પાર્ટીના અધ્યક્ષ ગાડી આઇઝનકોટએ પણ નેતન્યાહૂ પર ચૂંટણી પ્રચારમાં ભયનો ઉપયોગ કરવાનો આરોપ લગાવ્યો હતો. તેમના મતે, ચૂંટણી નજીક આવતાં ફરીથી ડર અને ખોટા દાવાઓના માધ્યમથી મતદારોને પ્રભાવિત કરવાનો પ્રયાસ થઈ રહ્યો છે. જાેકે, આ વિપક્ષી નેતાઓના રાજકીય આક્ષેપો છે.ઇઝરાયેલમાં ૨૭ ઓક્ટોબર, મંગળવારે ચૂંટણી યોજાવાની છે. દેશમાં પ્રમાણસર પ્રતિનિધિત્વ પદ્ધતિ દ્વારા સંસદ એટલે કે નેસેટની ૧૨૦ બેઠકો માટે સભ્યો ચૂંટાય છે.સરકાર બનાવવા માટે કોઈ પક્ષ અથવા ગઠબંધનને ઓછામાં ઓછા ૬૧ સાંસદોનું સમર્થન જરૂરી છે. ચૂંટણી પહેલાં ઈરાનનો પરમાણુ કાર્યક્રમ અને ઇઝરાયેલની સુરક્ષા જેવા મુદ્દાઓ રાજકીય ચર્ચાના કેન્દ્રમાં આવ્યા છે.નેતન્યાહૂની છૈં તસવીરે ચૂંટણી પહેલાં સુરક્ષાના મુદ્દે નવી ચર્ચા જગાવી છે. એક તરફ વડાપ્રધાન ઈરાનના સંભવિત પરમાણુ જાેખમ અંગે ચેતવણી આપી રહ્યા છે, તો બીજી તરફ વિપક્ષ આ મુદ્દાને ચૂંટણીમાં ભય ઊભો કરવાના પ્રયાસ તરીકે જાેઈ રહ્યો છે.
