Rishi Sunak: ઋષિ સુનકે પૂરું કર્યું તેમનું વચન, હજારો શરણાર્થીઓને મોકલવામાં આવશે વતન

ઇંગ્લિશ ચેનલ પાર કરીને હજારો શરણાર્થીઓ બ્રિટન પહોંચ્યા

ઋષિ સુનકે માહિતી આપી હતી કે 10 થી 12 અઠવાડિયાની અંદર બ્રિટનથી ગેરકાયદેસર શરણાર્થીઓની પ્રથમ બેચને રવાંડા મોકલવામાં આવશે. આ માટે બ્રિટિશ સરકારે કોમર્શિયલ ચાર્ટર પ્લેન બુક કર્યા છે જેથી શરણાર્થીઓને રવાંડા મોકલી શકાય.

રવાન્ડામાંથી હજારો શરણાર્થીઓ વર્ષોથી ઇંગ્લિશ ચેનલ પાર કરીને બ્રિટન પહોંચ્યા છે. રિપોર્ટ અનુસાર આ વર્ષે જાન્યુઆરીથી માર્ચ વચ્ચે ઈંગ્લિશ ચેનલ પાર કરીને બ્રિટન પહોંચનારા લોકોની સંખ્યા 4600ને પાર થઈ ગઈ છે.

બંને દેશો વચ્ચે સમજૂતી થઈ હતી

તમને જણાવી દઈએ કે એપ્રિલ 2022માં બ્રિટન અને રવાંડા વચ્ચે આશ્રય નીતિ પર સમજૂતી થઈ હતી. આ કરાર દ્વારા બ્રિટને રવાંડાને 120 મિલિયન પાઉન્ડ આપ્યા હતા. આ પૈસા રવાંડામાં રહેતા લોકો માટે આવાસ અને કામ આપવાના હતા.