Loksabha Election 2024: કોંગ્રેસે આગામી લોકસભા ચૂંટણી માટે ઉમેદવારોની બીજી યાદી જાહેર કરી છે. યાદીમાં ગુજરાતની ત્રણ લોકસભા બેઠકોના ઉમેદવારોના નામ જાહેર કરવામાં આવ્યા છે. AICCના જનરલ સેક્રેટરી કેસી વેણુગોપાલ દ્વારા બહાર પાડવામાં આવેલી 13મી યાદીમાં ત્રણેય ઉમેદવારો ગુજરાતના છે.
જેમાં સુરેન્દ્રનગરમાંથી ઋત્વિકભાઈ મકવાણા, જૂનાગઢમાંથી હીરાભાઈ જોટવા અને વડોદરામાંથી જસપાલસિંહ પઢિયારને ઉમેદવાર બનાવવામાં આવ્યા છે. આ સાથે કોંગ્રેસે અત્યાર સુધીમાં કુલ 235 ઉમેદવારોની જાહેરાત કરી છે.
19 એપ્રિલથી સાત તબક્કામાં મતદાન થશે
543 લોકસભા બેઠકો માટે 19 એપ્રિલથી 1 જૂન વચ્ચે સાત તબક્કામાં ચૂંટણી યોજાવાની છે. 4 જૂને મતગણતરી થશે.
