Rajya Sabha: તાજેતરમાં રાજ્યસભાની ચૂંટણીમાં ચૂંટાયેલા ભાજપના રાષ્ટ્રીય અધ્યક્ષ જેપી નડ્ડા અને અન્ય પાંચ નેતાઓએ શનિવારે ઉપલા ગૃહના સભ્યો તરીકે શપથ લીધા હતા. રાજ્યસભાના અધ્યક્ષ જગદીપ ધનખરે બધાને શપથ લેવડાવ્યા હતા.
આ નેતાઓએ શપથ લીધા
શપથ લેનારા અન્ય લોકોમાં મહારાષ્ટ્રના અશોકરાવ શંકરરાવ ચવ્હાણ, રાજસ્થાનના ચુન્નીલાલ ગરાસિયા, તેલંગાણાના અનિલ કુમાર યાદવ મંદાડી, સુસ્મિતા દેવ અને બંગાળના મોહમ્મદ નદીમુલ હકનો સમાવેશ થાય છે.
ઉપરાષ્ટ્રપતિ અને રાજ્યસભાના અધ્યક્ષ જગદીપ ધનખરે સંસદ ભવનમાં રાજ્યસભાના ચૂંટાયેલા સભ્ય તરીકે જેપી નડ્ડાને પદના શપથ લેવડાવ્યા હતા, ધનખરની ઓફિસે શપથ ગ્રહણ સમારોહના ફોટા શેર કરતી વખતે X પર એક પોસ્ટમાં જણાવ્યું હતું.
