Rohan Gupta : આજે કોંગ્રેસના પૂર્વ પ્રવક્તા રોહન ગુપ્તા ભાજપમાં જોડાઈ ગયા છે. તેઓએ થોડા દિવસ પહેલા જ કોંગ્રેસ પાર્ટીમાંથી રાજીનામું આપ્યું હતું. દિલ્હીના ભાજપ કાર્યાલય ખાતે રોહન ગુપ્તા કેન્દ્રીય મંત્રી હરદીપ સિંહ પુરી અને પાર્ટીના રાષ્ટ્રીય મહાસચિવ વિનોદ તાવડેની હાજરીમાં ભાજપમાં જોડાયા હતા.
કોંગ્રેસે લોકસભા ચૂંટણી 2024 માટે રોહન ગુપ્તાને અમદાવાદ પૂર્વ બેઠક પરથી ટિકિટ આપી હતી. જો કે, રોહન ગુપ્તાએ ચૂંટણી લડવાની ના પાડી હતી. અને થોડા દિવસો પછી પાર્ટીમાંથી રાજીનામું આપી દીધું હતું.
રોહન ગુપ્તાએ તેમના નિર્ણય માટે કોંગ્રેસના કોમ્યુનિકેશન વિભાગ સાથે જોડાયેલા નેતા દ્વારા તેમના “સતત અપમાન અને ચારિત્ર્યની હત્યા”ને જવાબદાર ઠેરવ્યો હતો.
