Manipur: આસામની જેલમાં બંધ એક આતંકવાદીની ધરપકડ કરવામાં આવી છે. આ હત્યામાં મણિપુરના વિષ્ણુપુર જિલ્લાના ચાર લોકો સામેલ હોવાનો આરોપ છે. NIAએ આ અંગે નિવેદન જાહેર કર્યું છે.
NIAએ જણાવ્યું કે મણિપુરના રહેવાસી લુનમિન્સેઈ કિપગેન ઉર્ફે લેંગિનમંગ ઉર્ફે મંગ ઉર્ફે લેવીની શનિવારે ગુવાહાટીના લોખરા સ્થિત સેન્ટ્રલ જેલમાંથી ગેરકાનૂની પ્રવૃત્તિઓ (નિવારણ) અધિનિયમ અને આર્મ્સ એક્ટની જોગવાઈઓ હેઠળ ધરપકડ કરવામાં આવી હતી.
18 જાન્યુઆરીના રોજ થયેલી ભીષણ હત્યા માટે ધરપકડ કરાયેલો તે પ્રથમ આરોપી છે. સશસ્ત્ર હુમલાખોરોએ બિષ્ણુપુરના નિંગથોખોંગ ખા ખુનોઉ ખાતે વોટર ટ્રીટમેન્ટ પ્લાન્ટ પાસે ચાર નાગરિકોની નિર્દયતાથી હત્યા કરી હતી.
શનિવારે NIAએ મણિપુરના બિષ્ણુપુર જિલ્લામાં ચાર નાગરિકોની હત્યાના સંબંધમાં એક વ્યક્તિની ધરપકડ કરી હતી. આ વ્યક્તિ હાલમાં અન્ય કેસમાં ગુવાહાટી જેલમાં છે. NIAએ કહ્યું કે હુમલાખોરોએ અત્યાધુનિક હથિયારોથી અંધાધૂંધ ગોળીબાર કર્યો હતો. આ ફાયરિંગમાં ચાર નાગરિકોના મોત થયા હતા.
NIAએ 9 ફેબ્રુઆરીએ કેસ નોંધ્યો હતો. તપાસ દરમિયાન એવું બહાર આવ્યું છે કે આ હુમલામાં લુનમિન્સેઈ કિપગન સક્રિય રીતે સામેલ હતો. જે ઉત્તર-પૂર્વ રાજ્યમાં ચાલી રહેલી વંશીય અશાંતિ અને હિંસાનો પણ એક ભાગ હતો. અગાઉ તે કુકી આતંકવાદી સંગઠન KNF(P) નો કેડર હતો, પરંતુ હિંસા દરમિયાન તે અન્ય કુકી આતંકવાદી સંગઠન – યુનાઈટેડ કુકી નેશનલ આર્મીમાં જોડાયો હતો. હત્યાને અંજામ આપ્યો હતો.
