South America vs China:ચીન દક્ષિણ અમેરિકામાં એક બંદર બનાવી રહ્યું છે જેનાથી અમેરિકા સાથે તેના સંબંધો બગડી શકે છે. હવે અમેરિકા આને લઈને ચિંતિત છે. બેઇજિંગ એક વોટર પોર્ટ બનાવવાનો પ્રયાસ કરી રહ્યું છે, જેનું ઉદ્ઘાટન ચીનના રાષ્ટ્રપતિ શી જિનપિંગ આ વર્ષના અંતમાં કરે તેવી શક્યતા છે.
ચીન દક્ષિણ અમેરિકામાં પોર્ટ બનાવવાનો પ્રયાસ કરી રહ્યું છે. તમને જણાવી દઈએ કે ચીન આ બંદર 3.5 બિલિયન ડૉલરના ખર્ચે બનાવી રહ્યું છે. જે એશિયા અને દક્ષિણ અમેરિકા વચ્ચે વેપારને વેગ આપી શકે છે અને ચાઇનીઝ ઇલેક્ટ્રિક વાહનો અને અન્ય નિકાસ માટે નવા બજારો ખોલી શકે છે.
અમેરિકા ચિંતિત છે
પોર્ટ પર ચીનના નિયંત્રણ બાદ અમેરિકાના સંસાધનો પર ચીનની પકડ વધુ મજબૂત બનશે, જેને લઈને દક્ષિણ અમેરિકા ચિંતિત છે. એવું કહેવાય છે કે આ પહેલું બંદર છે જે 60 ફૂટની ઊંડાઈને કારણે મેગા શિપ મેળવવામાં સફળ થશે.
છેલ્લા કેટલાક દાયકાઓમાં અમેરિકા અને ચીન વચ્ચેના સંબંધો ખૂબ જ ખરાબ થયા છે. તાજેતરના વર્ષોમાં યુએસ-ચીનના સૈન્ય સંપર્કોમાં પણ નોંધપાત્ર ઘટાડો જોવા મળ્યો છે. જાણકારી માટે તમને જણાવી દઈએ કે ગયા વર્ષે ચીને અમેરિકાના રક્ષા સચિવ લોયડ ઓસ્ટિનના કોલનો પણ જવાબ આપ્યો ન હતો. અમેરિકી સંસદના તત્કાલીન સ્પીકર નેન્સી પેલોસીએ તાઈવાનની મુલાકાત લીધા બાદ આ બન્યું હતું.
