ભારત અને દક્ષિણ આફ્રિકા વચ્ચે રમાયેલી બીજી T20 મેચમાં ટીમ ઈન્ડિયાનો વિજય થયો હતો, પરંતુ વિરોધી ટીમના બેટ્સમેન ડેવિડ મિલરે રમેલી ઈનિંગે બધાના દિલ જીતી લેવાનું કામ કર્યું હતું. મિલરની આ ઇનિંગ બાદ ભારતીય કેપ્ટન રોહિત શર્મા અને વિરાટ કોહલીએ પણ તેને અભિનંદન પાઠવ્યા હતા. ભારતે 20 ઓવરમાં 3 વિકેટે 237 રન બનાવ્યા હતા અને મિલરની અણનમ સદીના આધારે દક્ષિણ આફ્રિકાની ટીમે 20 ઓવરમાં 3 વિકેટે 221 રન બનાવ્યા હતા. મિલરે 47 બોલમાં 7 છગ્ગા અને 8 ચોગ્ગાની મદદથી અણનમ 106 રન બનાવ્યા હતા. પોતાની ઇનિંગ્સના જોરે મિલરે ઘણા રેકોર્ડ પોતાના નામે કર્યા છે.
મિલરે એમએસ ધોનીનો રેકોર્ડ તોડ્યો
T20I ની છેલ્લી પાંચ ઓવરમાં સૌથી વધુ રન (ઓછામાં ઓછા 500 રન) બનાવવાનો રેકોર્ડ અગાઉ એમએસ ધોનીના નામે હતો, પરંતુ હવે ડેવિડ મિલર તેને પછાડીને નંબર વન પર પહોંચી ગયો છે.
ટી20માં છેલ્લી પાંચ ઓવરમાં સૌથી વધુ રન: (ઓછામાં ઓછા 500 રન)-
1083 – ડેવિડ મિલર (સરેરાશ 175.24)
1014 – એમએસ ધોની (152.02)
954 – શોએબ મલિક (168.55)
901 – વિરાટ કોહલી (190.88)
867 – નજીબુલ્લાહ ઝદરાન (184.86)
ડેવિડ મિલર અને ડી કોકે ચોથી વિકેટ માટે અણનમ 174 રનની ભાગીદારી કરી હતી. આ T20 ઈન્ટરનેશનલ ક્રિકેટમાં ચોથી વિકેટ અથવા તેનાથી નીચેની વિકેટ માટે T20 ઈતિહાસમાં સર્વોચ્ચ ભાગીદારી સાબિત થઈ.
ડેવિડ મિલર T20 ફોર્મેટમાં નંબર પાંચ અથવા તેનાથી નીચેના ક્રમે બેટિંગ કરતી વખતે બે સદી ફટકારનાર વિશ્વનો પ્રથમ બેટ્સમેન બન્યો. તેણે વર્ષ 2017માં બાંગ્લાદેશ સામે 36 બોલમાં અણનમ 101 રન બનાવ્યા હતા, જ્યારે હવે તેણે વર્ષ 2022માં ભારત સામે 47 બોલમાં અણનમ 106 રન બનાવ્યા હતા.
ડેવિડ મિલર T20I માં હારેલી મેચમાં અણનમ સદી ફટકારનાર વિશ્વનો બીજો બેટ્સમેન બન્યો. મિલર પહેલા કેએલ રાહુલે 2016માં વેસ્ટ ઈન્ડિઝ સામે અણનમ 110 રન બનાવ્યા હતા પરંતુ ભારત હારી ગયું હતું. હવે વર્ષ 2022 માં, મિલરે અણનમ 106 રન બનાવ્યા, પરંતુ પ્રોટીઝનો પરાજય થયો.
મિલર અને ડી કોકે T20I માં ભારત સામે સૌથી મોટી ભાગીદારી કરી અને બાબર અને રિઝવાનને પાછળ છોડી દીધા. બાબર અને રિઝવાને વર્ષ 2021માં ભારત સામે અણનમ 154 રનની ભાગીદારી કરી હતી, પરંતુ મિલર અને ડી કોકે અણનમ 174 રન બનાવીને તેમને પાછળ છોડી દીધા હતા.
મિલર દક્ષિણ આફ્રિકા માટે T20I માં 2000 રન બનાવનાર પ્રથમ બેટ્સમેન બન્યો.
