બે સગીરોના નિવેદનો કોર્ટમાં રેકોર્ડ કરવામાં આવ્યા.સ્વામી અવિમુક્તેશ્વરાનંદ સામે યૌન શોષણના આરોપમાં FIR નો આદેશ.કોર્ટે પોલીસને કેસ નોંધવા અને કાયદા મુજબ તપાસ કરવાનો આદેશ આપ્યો છ.જ્યોતિષ પીઠના શંકરાચાર્ય સ્વામી અવિમુક્તેશ્વરાનંદ સરસ્વતી સામે જાતીય શોષણના આરોપોના કેસમાં ADJ બળાત્કાર અને POCSO સ્પેશિયલ કોર્ટ દ્વારા એક મોટો આદેશ આપવામાં આવ્યો છે. . ADJ POCSO એક્ટ વિનોદ કુમાર ચૌરસિયાએ સ્વામી અવિમુક્તેશ્વરાનંદ સરસ્વતી અને તેમના શિષ્ય સ્વામી મુકુંદાનંદ ગિરી સામે FIR નોંધવાનો નિર્દેશ આપ્યો છે. કોર્ટે પોલીસને કેસ નોંધવા અને કાયદા મુજબ તપાસ કરવાનો આદેશ આપ્યો છે. કોર્ટના આદેશ બાદ હવે ઝુંસી પોલીસ સ્ટેશનમાં કેસ નોંધવામાં આવશે.
નોંધનીય છે કે ૧૩ ફેબ્રુઆરીના રોજ, આરોપો લગાવનારા બે સગીરોના નિવેદનો કોર્ટમાં રેકોર્ડ કરવામાં આવ્યા હતા, જેની સાથે વીડિયોગ્રાફી પણ કરવામાં આવી હતી. કોર્ટે પોલીસ રિપોર્ટની પણ નોંધ લીધી હતી. સગીરાના નિવેદનો અને પોલીસ રિપોર્ટ પર વિચાર કર્યા પછી, કોર્ટે FIR દાખલ કરવી કે નહીં તે અંગેનો ર્નિણય અનામત રાખ્યો હતો. આજે સુનાવણી બાદ, કોર્ટે અવિમુક્તેશ્વરાનંદ સરસ્વતી અને તેમના શિષ્ય સ્વામી મુકુંદાનંદ ગિરી સામે FIR નોંધવાનો આદેશ આપ્યો હતો.
આ અરજી શાકુંભરી પીઠાધીશ્વર આશુતોષ બ્રહ્મચારીએ કલમ ૧૭૩(૪) હેઠળ કોર્ટમાં દાખલ કરી હતી. કોર્ટના આદેશ બાદ હવે પોલીસ તપાસ શરૂ થશે. આશુતોષ બ્રહ્મચારીએ આરોપ લગાવ્યો હતો કે શંકરાચાર્ય સ્વામી અવિમુક્તેશ્વરાનંદ સરસ્વતીના આશ્રમમાં સગીર બાળકોનું જાતીય શોષણ થયું હતું. આશુતોષ બ્રહ્મચારીએ દાવો કર્યો હતો કે તેમણે આ ઘટનાની સીડી કોર્ટમાં રજૂ કરી હતી.
આજે કોર્ટના ર્નિણય બાદ, આશુતોષ બ્રહ્મચારીએ જણાવ્યું હતું કે તેમને કોર્ટ તરફથી ન્યાય મળ્યો છે. તેઓ સત્યને લોકો સમક્ષ ઉજાગર કરવા માટે પ્રયાગરાજથી વારાણસીના વિદ્યા મઠ સુધી પગપાળા સનાતન યાત્રા કાઢશે. આશુતોષ બ્રહ્મચારીએ આરોપ લગાવ્યો છે કે વિદ્યા મઠમાં સગીર બાળકોનું જાતીય શોષણ થયું હતું.
