સાઉદીમાં દુનિયાની સૌથી મોટી ઓઇલ કંપની અરામકો યમનના મિસાઈલ હુમલાથી ધણધણી ઉઠી સાઉદી એર ડિફેન્સ સિસ્ટમે આમાંથી કેટલીક મિસાઈલો અને ડ્રોનને હવામાં જ નિષ્ક્રિય કરવાનો દાવો કર્યાે મિડલ ઈસ્ટમાં ચાલી રહેલો સંઘર્ષ હવે વધુ વકર્યાે છે. યમનના હુથી વિદ્રોહી જૂથ દ્વારા સાઉદી અરેબિયાના વિવિધ મહત્ત્વપૂર્ણ વિસ્તારોને લક્ષ્ય બનાવીને એક મોટો મિસાઈલ અને ડ્રોન હુમલો કરવામાં આવ્યો છે. આ હુમલામાં દુનિયાની સૌથી મોટી ઓઈલ પ્રોડ્યુસિંગ કંપની ‘સાઉદી અરામકો’ના મુખ્ય ઓઇલ પ્લાન્ટ અને રિફાઇનરીઓને નિશાન બનાવવામાં આવી છે, જેના કારણે સમગ્ર સાઉદી અરેબિયામાં અફરાતફરીનો માહોલ સર્જાયો છે.મળતી માહિતી મુજબ, યમન સરહદ નજીક આવેલા જીઝાન અને રેડ સીના કિનારે આવેલા ઔદ્યોગિક શહેર યાનબુ માં આવેલા અરામકોના ઠેકાણાઓ પર એકસાથે અનેક બેલિસ્ટિક મિસાઈલો અને વિસ્ફોટક ડ્રોન દ્વારા પ્રહાર કરવામાં આવ્યા હતા. આ હુમલા બાદ સંબંધિત વિસ્તારોમાં મોટા વિસ્ફોટોના અવાજાે સંભળાયા હતા અને સુરક્ષા એજન્સીઓ તુરંત જ એલર્ટ મોડ પર આવી ગઈ હતી.સાઉદી એર ડિફેન્સ સિસ્ટમે આમાંથી કેટલીક મિસાઈલો અને ડ્રોનને હવામાં જ નિષ્ક્રિય કરવાનો દાવો કર્યાે છે, પરંતુ તેમ છતાં અરામકોના અમુક પ્લાન્ટ્સ નજીક ભારે નુકસાન થયું હોવાની આશંકા વ્યક્ત કરવામાં આવી રહી છે. વિશ્વના ઓઇલ પુરવઠામાં સાઉદી અરામકોનું મહત્ત્વ અતિશય છે, તેથી આ હુમલા બાદ આંતરરાષ્ટ્રીય સ્તરે ક્રૂડ ઓઈલની કિંમતોમાં વધારો થવાની અને સપ્લાય ચેઈન ખોરવાઈ જવાની ગંભીર ચિંતા ઊભી થઈ છે.યમનના હુથી જૂથે આ હુમલાની જવાબદારી સ્વીકારતા જણાવ્યું છે કે સાઉદી અરેબિયા દ્વારા યમન પર કરવામાં આવતી લશ્કરી કાર્યવાહીના જવાબરૂપે આ હુમલો કરવામાં આવ્યો છે. જાે સાઉદી અરેબિયા પોતાના આક્રમક વલણને નહીં રોકે, તો આગામી દિવસોમાં આનાથી પણ વધુ વિનાશક હુમલા કરવામાં આવશે તેવી ચીમકી પણ વિદ્રોહીઓ દ્વારા આપવામાં આવી છે. બીજી તરફ, સાઉદી અરેબિયા અને તેના સહયોગી દેશો આ હુમલાને નાગરિક સંસાધનો અને વૈશ્વિક ઊર્જા સુરક્ષા પરનો મોટો હુમલો ગણાવીને આકરા પ્રતિક્રિયાત્મક પગલાં લેવાની તૈયારી કરી રહ્યા છે.
