રાજકારણમાં કોઈ કોઈનું કાયમી દુશ્મન નથી : ચઢ્ઢા વડાપ્રધાન નરેન્દ્ર મોદીએ રાઘવ ચઢ્ઢા સાથે મુલાકાત કરી TMC ના સાયોની ઘોષ અને યુસુફ પઠાણે મુલાકાત શેર કરી
આમ આદમી પાર્ટીના રાજ્યસભાના સાંસદ રાઘવ ચઢ્ઢાએ શનિવારે વડાપ્રધાન નરેન્દ્ર મોદી સાથે એક ખાસ મુલાકાત કરી હતી. આ વિશેષ મુલાકાત દરમિયાન તેમણે વડાપ્રધાનને ભગવાન ગણેશની એક સુંદર મૂર્તિ ભેટમાં આપી હતી. સોશિયલ મીડિયા પ્લેટફોર્મ પર આ અંગે પોસ્ટ કરતાં તેમણે લખ્યું હતું કે આ એક એવી અદ્ભુત સવાર છે જે હંમેશા યાદ રહેશે. વડાપ્રધાનના શ્રેષ્ઠ માર્ગદર્શન અને અમૂલ્ય સમય માટે તેમણે દિલથી આભાર માન્યો હતો.
રાઘવ ચઢ્ઢા ઉપરાંત ટીએમસીના નેતાઓ સાયોની ઘોષ અને યુસુફ પઠાણે પણ વડાપ્રધાન સાથેની તેમની પ્રથમ ઐતિહાસિક મુલાકાતના અનુભવો શેર કર્યા હતા. સાયોની ઘોષે મુલાકાતનો વિડીયો અને ફોટો શેર કરીને લખ્યું હતું કે આ એક અત્યંત યાદગાર ક્ષણ છે. તેમણે શેર કી દહાડ હૈ પ્યારે ગીત મુકીને પોતાનો આનંદ દર્શાવ્યો હતો. આ ફોટો હાલ ખૂબ વાઇરલ થઈ રહ્યો છે. બીજી તરફ, યુસુફ પઠાણે વડાપ્રધાને આપેલા ભરોસા અંગે ખુશી વ્યક્ત કરી હતી.
આ બેઠકોના એક દિવસ પહેલા જ શુક્રવારે વડાપ્રધાન મોદીએ ૪૫ સાંસદો સાથે એક અત્યંત મહત્ત્વપૂર્ણ બ્રેકફાસ્ટ મીટિંગ યોજી હતી. આ બેઠકમાં મોટાભાગના એવા સાંસદો સામેલ હતા. જેમણે તાજેતરમાં જ પક્ષ પલટો કરીને એનડીએમાં વિધિવત પ્રવેશ કર્યો છે. રિપોર્ટ્સ મુજબ, આ યાદીમાં તૃણમૂલ કોંગ્રેસના ૨૦ બળવાખોર સાંસદો, ઉદ્ધવ સેનાના ૭ ભૂતપૂર્વ સાંસદો, એનપીપીના ૨૦ સાંસદો અને અજિત પવાર જૂથના ૨ સાંસદો ખાસ હાજર રહ્યા હતા.
વડાપ્રધાને આ નવા જાેડાયેલા સાંસદોને સ્પષ્ટ આશ્વાસન આપ્યું હતું કે તેમણે કોઈથી જરાય ડરવાની જરૂર નથી, કારણ કે આખું એનડીએ એક મજબૂત પરિવાર છે અને તેઓ દરેક સાંસદની પડખે ઊભા છે. આ ઉપરાંત, વડાપ્રધાન મોદીએ ચોમાસુ સત્ર દરમિયાન વિપક્ષ દ્વારા કરવામાં આવતા સતત હોબાળા અંગે ભારે ચિંતા વ્યક્ત કરી હતી. તેમણે જણાવ્યું હતું કે વિરોધ પ્રદર્શનોના કારણે અનેક સાંસદોને સંસદીય કાર્યવાહીમાં બોલવાની પૂરતી તક મળી શકતી નથી.
રાજકીય નિષ્ણાતોના મતે વડાપ્રધાનની આ સીધી મુલાકાતો આગામી ચૂંટણીઓ અને જનહિતના કાર્યો માટે ખૂબ જ મહત્ત્વપૂર્ણ છે. નવા જાેડાયેલા સાંસદોને આનાથી નવી ઊર્જા મળી છે.
