કરણ જાેહર હવે કૃષ્ણ ભક્તિના રસ્તે! રાધા-કૃષ્ણની મહાગાથા પર મેગા ફિલ્મ બનાવશે કરણ જાેહર આ પ્રોજેક્ટને સામાન્ય ફિલ્મની જેમ નહીં પરંતુ મોટા પાયે સિનેમેટિક અનુભવ તરીકે રજૂ કરવા માગે છે બોલિવૂડમાં રોમાન્સ, સંબંધો અને પારિવારિક ડ્રામા માટે જાણીતા ફિલ્મમેકર કરણ જાેહર હવે એકદમ અલગ જ પ્રકારની વાર્તા સાથે દર્શકો સમક્ષ આવવાની તૈયારીમાં છે. જન્માષ્ટમી ૨૦૨૬ના અવસર વચ્ચે સામે આવેલા અહેવાલો અનુસાર, કરણ જાેહર ધર્મા પ્રોડક્શન્સના બેનર હેઠળ રાધા અને કૃષ્ણની દૈવી પ્રેમકથા પર આધારિત ભવ્ય ફિલ્મ બનાવવાની તૈયારી કરી રહ્યા છે. અહેવાલો પ્રમાણે ફિલ્મનું નામ ‘રાધા કૃષ્ણ’ રાખવામાં આવ્યું છે અને પ્રોજેક્ટ હાલમાં વિકાસના અદ્યતન તબક્કામાં છે.કરણ જાેહરે અત્યાર સુધીમાં મુખ્યત્વે રોમાન્સ, પરિવાર અને સંબંધો આધારિત ફિલ્મો બનાવી છે. પરંતુ રાધા-કૃષ્ણની વાર્તા તેમના માટે લાંબા સમયથી ખાસ રસનો વિષય હોવાનું કહેવાય છે. અહેવાલો અનુસાર, તેઓ ઘણા સમયથી આ કથાને મોટા પડદા પર રજૂ કરવા ઇચ્છતા હતા, પરંતુ આટલી સંવેદનશીલ અને ધાર્મિક રીતે મહત્વપૂર્ણ વાર્તા માટે યોગ્ય સ્ક્રિપ્ટની રાહ જાેઈ રહ્યા હતા. હવે તેમને આ વાર્તા માટે યોગ્ય સ્ક્રિપ્ટ મળી હોવાનો દાવો કરવામાં આવી રહ્યો છે. ફિલ્મમાં રાધા અને કૃષ્ણનો સંબંધ ભાવનાત્મક કેન્દ્રમાં રહેશે, પરંતુ કથા માત્ર તેમની પ્રેમકથા પૂરતી સીમિત નહીં રહે.‘રાધા કૃષ્ણ’માં ભગવાન કૃષ્ણના જીવનના મહત્વપૂર્ણ પ્રસંગોને પણ આવરી લેવામાં આવશે. અહેવાલો અનુસાર, ફિલ્મની વાર્તા કૃષ્ણના જન્મથી શરૂ થઈને કંસના વધ સુધીની તેમની સફર દર્શાવશે. આ કારણે ફિલ્મમાં કૃષ્ણના બાળપણ, તેમના જીવન સાથે જાેડાયેલી મહત્વપૂર્ણ ઘટનાઓ અને તેમના સંઘર્ષાેને મોટા પડદા પર ભવ્ય રીતે રજૂ કરવામાં આવી શકે છે. જાેકે, ફિલ્મનું મુખ્ય ભાવનાત્મક તત્વ રાધા અને કૃષ્ણ વચ્ચેનો દૈવી પ્રેમ રહેશે. ભારતીય સંસ્કૃતિ અને ધાર્મિક પરંપરામાં અમર ગણાતી આ પ્રેમકથાને ફિલ્મમાં રોમાન્સ, લાગણી, નાટક અને સંઘર્ષના સંયોજન સાથે રજૂ કરવાની તૈયારી હોવાનું કહેવાય છે.આ મહત્વાકાંક્ષી પ્રોજેક્ટનું લેખન અને દિગ્દર્શન સચિન રવિ કરશે તેવી માહિતી સામે આવી છે. સચિન રવિ અગાઉ ૨૦૧૯માં આવેલી કન્નડ ફિલ્મ ‘અવને શ્રીમન્નારાયણ’નું દિગ્દર્શન કરી ચૂક્યા છે. ફિલ્મમાં રક્ષિત શેટ્ટી મુખ્ય ભૂમિકામાં હતા અને રિલીઝ બાદ તેને સારો પ્રતિસાદ મળ્યો હતો. હવે ધર્મા પ્રોડક્શન્સ જેવા મોટા બેનર સાથે ‘રાધા કૃષ્ણ’ જેવી ભવ્ય ફિલ્મ બનાવવાની જવાબદારી સચિન રવિને મળવી તેમની કારકિર્દી માટે પણ મહત્વપૂર્ણ પગલું માનવામાં આવી રહ્યું છે. ફિલ્મની સ્ક્રિપ્ટ અને દિગ્દર્શન બંને તેઓ સંભાળશે.કરણ જાેહર આ પ્રોજેક્ટને સામાન્ય ફિલ્મની જેમ નહીં પરંતુ મોટા પાયે સિનેમેટિક અનુભવ તરીકે રજૂ કરવા માગે છે. અહેવાલો પ્રમાણે ફિલ્મમાં કૃષ્ણના યુગને જીવંત બનાવવા માટે ભવ્ય સેટ, વિશાળ દૃશ્યો અને ખાસ વિઝ્યુઅલ ટ્રીટમેન્ટ જાેવા મળી શકે છે. કૃષ્ણની દુનિયા, તે સમયનું વાતાવરણ અને કથાના ભાવનાત્મક પાસાંને પડદા પર ઉતારવા માટે મોટા સ્તરે નિર્માણ કરવાની તૈયારી હોવાનું કહેવાય છે. જાેકે ફિલ્મનું સત્તાવાર બજેટ, શૂટિંગ શેડ્યૂલ અને રિલીઝ ડેટ અંગે હજુ સુધી કોઈ સત્તાવાર જાહેરાત કરવામાં આવી નથી.ફિલ્મની વાર્તા જેટલી ચર્ચામાં છે, એટલી જ ચર્ચા તેની સ્ટારકાસ્ટને લઈને પણ થઈ રહી છે. રાધા અને કૃષ્ણની ભૂમિકા માટે કયા કલાકારોની પસંદગી કરવામાં આવશે તે અંગે હજુ સસ્પેન્સ જળવાઈ રહ્યું છે. ધર્મા પ્રોડક્શન્સે અત્યાર સુધી કાસ્ટિંગ અંગે કોઈ સત્તાવાર જાહેરાત કરી નથી. જાે પ્રોજેક્ટ અહેવાલ મુજબ ભવ્ય સ્તરે તૈયાર થાય છે, તો તે કરણ જાેહરની અત્યાર સુધીની સૌથી અલગ અને મહત્વાકાંક્ષી ફિલ્મોમાંની એક બની શકે છે.
