વિસ્તાર ખાલી કરાવવામાં આવ્યો અમેરિકામાં તાલીમ દરમિયાન એફ-૧૬ ફાઈટર જેટ દુર્ઘટનાગ્રસ્ત મિશિગન સ્ટેટ પોલીસે ક્રેશ સ્થળની એક માઇલની ત્રિજ્યામાં રહેતા રહેવાસીઓને સ્થળાંતર કરવાનો આદેશ આપ્યો
અમેરિકાના મિશિગનથી તાજા સમાચાર મળી રહ્યા છે. મિશિગનની ગ્રાન્ડ ટ્રાવર્સ કાઉન્ટીમાં નિયમિત તાલીમ ઉડાન દરમિયાન ટેક્સાસ એર નેશનલ ગાર્ડનું F-16 ફાઈટર જેટ દુર્ઘટનાગ્રસ્ત થયું હતું. અહેવાલ મુજબ, દુર્ઘટના બાદ પાયલોટ સુરક્ષિત રીતે બહાર નીકળી ગયા હતા; તેમને ઈજાઓ થઈ હતી પરંતુ બાદમાં તેમની સ્થિતિ સ્થિર હોવાનું જણાવાયું હતું. ટેક્સાસ નેશનલ ગાર્ડની ૧૪૯મી ફાઈટર વિંગ દ્વારા સંચાલિત આ વિમાન અલ્પેના સ્થિત એર નેશનલ ગાર્ડના ‘કોમ્બેટ રેડીનેસ ટ્રેનિંગ સેન્ટર’થી તાલીમ મિશન પર હતું ત્યારે આ ઘટના બની હતી.ટેક્સાસ મિલિટરી ડિપાર્ટમેન્ટે પુષ્ટિ કરી છે કે ગુરુવારે બપોરે F-16 ફાઇટિંગ ફાલ્કન વિમાન એક અકસ્માતનો ભોગ બન્યું હતું. જાેકે, તેમણે દુર્ઘટનાનું કારણ તાત્કાલિક જાહેર કર્યું ન હતું. તેમણે જણાવ્યું હતું કે પાયલટ વિમાનમાંથી સુરક્ષિત રીતે બહાર નીકળી ગયા હતા (ઇજેક્ટ થયા હતા) અને તેમને તબીબી સારવાર માટે લઈ જવામાં આવ્યા હતા. ૧૪૯મી ફાઇટર વિંગના પ્રવક્તાએ માહિતી આપી હતી કે પાયલટની હાલત અત્યારે સ્થિર છે. ગ્રાન્ડ ટ્રાવર્સ કાઉન્ટી શેરિફની ઓફિસને મદદ કરી રહેલી મિશિગન સ્ટેટ પોલીસે જણાવ્યું હતું કે અત્યાર સુધી અન્ય કોઈને ઈજા થઈ હોવાના અહેવાલ નથી. મિશિગન સ્ટેટ પોલીસે ક્રેશ સ્થળની એક માઇલની ત્રિજ્યામાં રહેતા રહેવાસીઓને સ્થળાંતર કરવાનો આદેશ આપ્યો છે. અહેવાલો દર્શાવે છે કે ક્રેશ બાદ વિમાનમાંથી ખતરનાક રસાયણ લીકેજ થવાનું જાેખમ છે. અગાઉ, સ્થાનિક રહેવાસીઓને જગ્યાએ આશ્રય લેવાની અને તેમની બારીઓ અને દરવાજા બંધ રાખવાની સૂચના આપવામાં આવી હતી.
ફાઇટર જેટ કાઉન્ટી રોડ ૬૩૩ અને બ્લેર ટાઉનહોલ રોડ નજીક ક્રેશ થયું હતું. અધિકારીઓએ સ્થળની આસપાસના રસ્તાઓ બંધ કરી દીધા છે અને રહેવાસીઓ અને વાહનચાલકોને આ વિસ્તારથી દૂર રહેવાની સલાહ આપી છે જેથી કટોકટી ટીમો તેમનું કાર્ય કરી શકે.
