અમેરિકા અને ભારત વચ્ચે ચાલી રહેલા ટેરિફ વોરની અસર ભારતની નિકાસ પર પડી છે.

ટ્રમ્પની ટેરિફ વોરની અસર ભારતની અમેરિકામાં નિકાસમાં ૩૭.૫ ટકાનો ઘટાડો નોંધાયો ભારતમાંથી ટેક્સટાઈલ, રત્નો, ઝવેરાત, કેમિકલ અને કૃષિ-ખાદ્ય પદાર્થોમાં સામૂહિક રીતે ૩૩ ટકા ઘટાડો થયો અમેરિકા અને ભારત વચ્ચે ચાલી રહેલા ટેરિફ વોરની અસર ભારતની નિકાસ પર પડી છે. જેમાં ગ્લોબલ ટ્રેડ રિસર્ચ ઇનિશિયેટિવના પ્રકાશમાં આવેલા આંકડાઓ મુજબ મે અને સપ્ટેમ્બર ૨૦૨૫ દરમિયાન ભારતની અમેરિકામાં નિકાસમાં ૩૭.૫ ટકાનો ઘટાડો થયો છે. જે અત્યાર સુધીનો સૌથી મોટો ઘટાડો માનવામાં આવે છે.જેમાં અમેરિકાએ ટેરિફ વોરની શરુઆત કરતા એપ્રિલ ૨૦૨૫માં ભારતના સામાન પર ૧૦ ટકા ટેરિફ ઝીંક્યો હતો. જેને ઓગષ્ટમાં માસમાં વધારીને ૫૦ ટકા કરવામાં આવ્યો છે. જેના પગલે ભારતની અમેરિકામાં નિકાસ ૮.૮ બિલીયન ડોલરથી ઘટીને ૫.૫ બિલીયન ડોલર થઈ ગઈ છે. જે યુએસ બજારમાં ભારતની અત્યાર સુધીની સૌથી ઓછી નિકાસ છે.આ ઉપરાંત વધારેલા ટેરિફની સૌથી વધુ અસર ટેરિફ-મુક્ત માલ સામાન પર પડ્યો હતો. જેમાં ભારતથી યુએસમાં નિકાસ થતી ત્રીજા ભાગનો હિસ્સો ધરાવતી વસ્તુઓના નિકાસમાં ૪૭ ટકાનો ઘટાડો થયો છે. જે નિકાસ મે મહિનામાં ૩.૪ બિલીયન ડોલર હતી તે ઘટીને સપ્ટેમ્બર માસમાં ૧.૮ બિલીયન ડોલર થઈ ગઈ.જેમાં ભારતની સ્માર્ટફોન નિકાસમાં ૫૮ ટકાનો ઘટાડો થયો છે. નિકાસ મે મહિનામાં ૨.૨૯ બિલિયન ડોલરથી ઘટીને સપ્ટેમ્બરમાં માત્ર ૮૮૪.૬ મિલિયન ડોલર થઈ ગઈ છે. આ દરમિયાન, ફાર્માસ્યુટિકલ નિકાસમાં પણ ૧૫.૭ ટકાનો ઘટાડો થયો. દવાની નિકાસ ૭૪૫.૬ મિલિયન ડોલરથી ઘટીને ૬૨૮.૩ મિલિયન ડોલર થઈ ગઈ છે.ઇન્ડસ્ટ્રીયલ મેટલ અને ઓટો પાર્ટ્સની નિકાસમાં પણ ઘટાડો થયો છે. આ શ્રેણીમાં સરેરાશ ૧૬.૭ ટકાનો ઘટાડો જાેવા મળ્યો. એલ્યુમિનિયમ ૩૭ ટકા. તાંબામાં ૨૫ ટકા , ઓટો પાર્ટ્સમાં ૧૨ ટકા અને લોખંડ અને સ્ટીલની નિકાસમાં ૮ ટકાનો ઘટાડો જાેવા મળ્યો છે.આ ઉપરાંત ભારતમાંથી ટેક્સટાઈલ, રત્નો, ઝવેરાત, કેમિકલ અને કૃષિ-ખાદ્ય પદાર્થાેમાં સામૂહિક રીતે ૩૩ ટકા ઘટાડો થયો. ખાસ કરીને રત્નો અને ઝવેરાત ક્ષેત્રમાં ૬૦ ટકાનો મોટો ઘટાડો થયો. આ અહેવાલ અનુસાર આ ક્ષેત્રમાં નિકાસમાં ઘટાડાને કારણે થાઈલેન્ડ અને વિયેતનામ જેવા દેશોએ ભારતનો બજાર હિસ્સો છીનવી લેવાનું શરૂ કર્યું છે.