પેપર સ્ટાઈલમાં કરવામાં આવ્યો મોટો ફેરફાર.CBSE એ ધોરણ ૧૦ના વિદ્યાર્થીઓ માટે જાહેર કરી નવી ગાઈડલાઈનધોરણ ૧૦ ની બોર્ડ પરીક્ષા માટે વિજ્ઞાન અને સામાજિક વિજ્ઞાન માટે પ્રશ્નો અને જવાબો લખવાની રીતમાં ફેરફારસેન્ટ્રલ બોર્ડ ઓફ સેકન્ડરી એજ્યુકેશન (CBSE) એ ૨૦૨૬ માં ધોરણ ૧૦ ની બોર્ડ પરીક્ષાઓ માટે ખૂબ જ મહત્વપૂર્ણ માર્ગદર્શિકા જારી કરી છે. આ માર્ગદર્શિકા આવતા વર્ષે બોર્ડની પરીક્ષા આપનારા તમામ વિદ્યાર્થીઓ માટે ફરજિયાત રહેશે. આ વર્ષે, બોર્ડે વિજ્ઞાન અને સામાજિક વિજ્ઞાન બંને વિષયો માટે પ્રશ્નપત્ર અને ઉત્તરપત્રની લેખન શૈલી સંપૂર્ણપણે બદલી નાખી છે. નવી માર્ગદર્શિકા CBSE ની સત્તાવાર વેબસાઇટ, cbse.gov.in પર પણ ઉપલબ્ધ છે.
આ વર્ષથી, CBSE એ ધોરણ ૧૦ ના વિજ્ઞાન અને સામાજિક વિજ્ઞાનના પ્રશ્નપત્રોને અલગ-અલગ વિભાગોમાં વિભાજીત કર્યા છે જેથી વિદ્યાર્થીઓના જવાબો વ્યવસ્થિત રીતે લખાય અને સમીક્ષા દરમિયાન મૂંઝવણ ટાળી શકાય. અગાઉ, વિદ્યાર્થીઓ આ વિષયો માટે સમાન ક્રમમાં જવાબો લખતા હતા, જેના કારણે ઘણીવાર મૂંઝવણભર્યા જવાબો મળતા હતા. હવે, બોર્ડે આ સમસ્યાને દૂર કરવા માટે કડક અને સ્પષ્ટ નિયમો લાગુ કર્યા છે.
CBSE અનુસાર, વિજ્ઞાનના પ્રશ્નપત્રને ત્રણ ભાગમાં વિભાજિત કરવામાં આવશે. વિભાગ છ માં પહેલા બાયોલોજીના પ્રશ્નો હશે, ત્યારબાદ વિભાગ B માં કેમેસ્ટ્રીના અને અંતે વિભાગ C માં ભૌતિકશાસ્ત્ર. વિદ્યાર્થીઓએ તેમના જવાબો એક જ ક્રમમાં લખવાના રહેશે, ઉત્તરપત્રમાં ત્રણ અલગ અલગ વિભાગો બનાવશે. જાે કોઈ વિદ્યાર્થી ભૂલથી જીવવિજ્ઞાન વિભાગમાં ભૌતિકશાસ્ત્રનો જવાબ લખી નાખે છે, તો તેમને તે પ્રશ્ન માટે કોઈ ગુણ મળશે નહીં.
તેવી જ રીતે, સામાજિક વિજ્ઞાન પ્રશ્નપત્ર ચાર વિભાગોમાં વહેંચાયેલું છે. વિભાગ છ ઇતિહાસના પ્રશ્નો માટે, વિભાગ મ્ ભૂગોળ માટે, વિભાગ ઝ્ર રાજનીતિ વિજ્ઞાન માટે અને વિભાગ D અર્થશાસ્ત્ર માટે હશે. વિદ્યાર્થીઓએ ઉત્તરપત્રમાં ચાર અલગ અલગ વિભાગો પણ બનાવવાના રહેશે અને ફક્ત વિષયને અનુરૂપ વિભાગમાં જ જવાબો લખવાના રહેશે.
CBSE એ વિદ્યાર્થીઓને ત્રણ મુખ્ય સૂચનાઓ જારી કરી છે. પહેલી સૂચના એ છે કે વિજ્ઞાનની ઉત્તરપત્રમાં ત્રણ વિભાગો અને સામાજિક વિજ્ઞાનની ઉત્તરપત્રમાં ચાર વિભાગો બનાવવાના રહેશે. બીજી સૂચના એ છે કે એક વિભાગના જવાબો બીજા વિભાગમાં લખી શકાતા નથી. ત્રીજાે અને સૌથી કડક નિર્દેશ એ છે કે જાે કોઈ વિદ્યાર્થી આવું કરે છે, તો તેના જવાબનું મૂલ્યાંકન કરવામાં આવશે નહીં. બોર્ડે એ પણ સ્પષ્ટ કર્યું છે કે આવી ભૂલ થવા પર રી-ચેકિંગ અથવા રી-ઈવેલ્યૂશનમાં પણ સ્થિતિને ઠીક નહીં કરી શકાય. આનો અર્થ એ થયો કે ભૂલ થયા પછી ગુણ ગુમાવવાનું જાેખમ વધારે છે.
