૧૧ પર્યટન સ્થળ ખોલવાનો આદેશ.જમ્મુ કાશ્મીરમાં ટૂરિઝ્મને હવે નવી રફ્તાર મળશે.આ અગાઉ ગત વર્ષે ૨૬ સપ્ટેમ્બરના રોજ ઉપરાજ્યપાલે ૧૨ પર્યટન સ્થળોને ફરીથી ખોલવાનો આદેશ આપ્યો હતો.જમ્મુ કાશ્મીરના ઉપરાજ્યપાલ મનોજ સિન્હાએ સોમવારે કેન્દ્ર શાસિત પ્રદેશના એ ૧૪ પર્યટન સ્થળોને ફરીથી ખોલવાના આદેશ આપ્યા છે, જેને ગત વર્ષે એપ્રિલમાં પહેલગામ આતંકી હુમલા બાદ બંધ કરી દીધા હતા. ઉપરાજ્યપાલે પ્રશાસનને ગત વર્ષે ૨૨ એપ્રિલના રોજ થયેલા પહેલગામ આતંકી હુમલા બાદ જમ્મુ કાશ્મીરમાં લગભગ ૫૦ પર્યટન સ્થળોને બંધ કરી દીધા હતા. હુમલામાં ૨૬ લોકોના મોત થયા હતા, જેમાં મોટા ભાગના પર્યટકો હતા. ઉપરાજ્યપાલ કાર્યાલયે એક્સ પર એક પોસ્ટમાં કહ્યું કે, સુરક્ષાની ઊંડાણપૂર્વક સમીક્ષા અને વિચાર વિમર્શ બાદ, મેં કાશ્મીર અને જમ્મુ સંભાગોમાં સાવધાનીના ભાગરૂપે અસ્થાયી રીતે બંધ કરેલા અને અન્ય પર્યટન સ્થળોને ફરીથી ખોલવાનો આદેશ આપ્યો છે. તેની સાથે જ અસ્થાયી રીતે બંધ કર્યા બાદ ફરીથી ખોલવામાં આવેલા પર્યટન સ્થળોની કુલ સંખ્યા વધીને ૨૬ થઈ ગઈ છે. આ અગાઉ ગત વર્ષે ૨૬ સપ્ટેમ્બરના રોજ ઉપરાજ્યપાલે ૧૨ પર્યટન સ્થળોને ફરીથી ખોલવાનો આદેશ આપ્યો હતો. સિન્હાએ કહ્યું કે કાશ્મીર સંભાગના ૧૧ પર્યટન સ્થળો, કોકરનાગમાં યૂસમર્ગ, દૂધપથરી, દાંડીપુરા પાર્ક, શોપિયાંમાં પીરની ગલી, દુબજાન અને પદપાવન, શ્રીનગરમાં અસ્તનપોરા, ટ્યૂલિપ ગાર્ડન, થજવાસ ગ્લેશિયર, ગાંદેરબલમાં હંગ પાર્ક અને બારામુલામાં વુલર અને વાટલાબને તાત્કાલિક ફરીથી ખોલવામાં આવશે.
તેમણે કહ્યું કે, જમ્મુ સંભાગના ત્રણ પર્યટન સ્થળ, રિયાસીમાં દેવી પિંડી, રામબનમાં મહૂ મંગત અને કિશ્તવારમાં મુગલ મેદાન પણ તત્કાળ પ્રભાવથી ફરીથી ખોલવામાં આવશે. સિન્હાએ કહ્યું કે કાશ્મીર સંભાગમાં ત્રણ સ્થળ, ગુરેજ, અથવાટૂ અને બંગસ અને જમ્મુ સંભાગમાં એક સ્થળ-રામબનમાં રામકુંડ-બર્ફ હટ્યા બાદ ફરીથી ખોલવામાં આવશે.
