રિચા અને અલીના પ્રોડક્શનની ગર્લ્સ વિલ બી ગર્લ્સનું સ્ક્રીનિંગ પણ થશે રિચા-અલી ફઝલ ન્યૂઝીલેન્ડમાં પહેલો ઈન્ડિયન ફિલ્મ ફેસ્ટ લોન્ચ કરશે ફેસ્ટિવલના પ્રથમ સંસ્કરણમાં ફીચર ફિલ્મ અને શોર્ટ ફિલ્મ કેટેગરી સહિત આશરે ૩૦ ફિલ્મો રજૂ થવાની અપેક્ષા છે
એક્ટર પ્રોડ્યુસર જાેડી રિચા ચઢ્ઢા અને અલી ફઝલ ૨ જૂને ન્યૂઝીલેન્ડમાં પહેલી વખત ઇન્ડિયન ફિલ્મ ફેસ્ટિવલ ઓફ ન્યુઝીલેન્ડના સત્તાવાર લોન્ચ ઇવેન્ટમાં હાજરી આપશે. આ લોન્ચ ઇવેન્ટમાં તેમણે પ્રોડ્યુસ કરેલી પહેલી ફીચર ફિલ્મ ગર્લ્સ વિલ બી ગર્લ્સનું ખાસ સ્ક્રીનિંગ પણ યોજાશે. આ ફિલ્મને અગાઉ સન્ડે ફિલ્મ ફેસ્ટિવલ અને ઇન્ડિપેન્ડન્ટ સ્પિરિટ એવોર્ડ્ઝ સહિત અનેક આંતરરાષ્ટ્રીય ફિલ્મ ફેસ્ટિવલ્સમાં પ્રશંસા મળી ચૂકી છે.આ ફેસ્ટિવલ પહેલી વખત ઓક્ટોબર ૨૦૨૬માં યોજાવાનો છે અને તેને ન્યૂઝીલેન્ડના પ્રથમ સમર્પિત ભારતીય ફિલ્મ ફેસ્ટિવલ તરીકે રજૂ કરવામાં આવી રહ્યો છે. પેટ્રીના ડીરોઝારીયો દ્વારા સ્થાપિત આ ફેસ્ટિવલનો હેતુ ભારતીય સિનેમાની ઉજવણી કરવા સાથે ભારત અને ન્યૂઝીલેન્ડ વચ્ચે વધુ મજબૂત સર્જનાત્મક અને સાંસ્કૃતિક સહયોગને પ્રોત્સાહન આપવાનો છે.લૉન્ચ ઇવેન્ટમાં પોતાની હાજરી અંગે રિચા ચઢ્ઢા અને અલી ફઝલે સંયુક્ત નિવેદનમાં કહ્યું, “TIFFNZ ના લોન્ચનો ભાગ બનતા અમને ખૂબ આનંદ છે. ફિલ્મ ફેસ્ટિવલ્સ ચર્ચા શરૂ કરવામાં અને વિવિધ પ્રકારની વાર્તાઓ માટે જગ્યા બનાવવામાં મહત્વપૂર્ણ ભૂમિકા ભજવે છે. ભારતીય સિનેમાને ન્યૂઝીલેન્ડમાં એક યોગ્ય માળખાગત અને ઉજવણીમય રીતે લાવવાનો વિચાર સમયોચિત અને અર્થપૂર્ણ લાગે છે. અમે આ નવા અધ્યાયને સમર્થન આપવા અને ત્યાંના દર્શકો સાથે જાેડાવા આતુર છીએ.”આ ચાર દિવસનો ફેસ્ટિવલહશે, જે ઓકલેન્ડ, વેલિંગ્ટન અને ક્રાઇસ્ટચર્ચમાં યોજાશે. ફિલ્મ સ્ક્રીનિંગ્સ ઉપરાંત TIFFNZ માં વર્કશોપ્સ, સાંસ્કૃતિક કાર્યક્રમો અને ઇન્ડસ્ટ્રીના વિવિધ વિષયો પર ચર્ચાઓ પણ યોજાવાની છે, જે બંને દેશોના ફિલ્મમેકર્સ, દર્શકો અને સર્જનાત્મક વ્યાવસાયિકોને જાેડવાનો પ્રયાસ કરશે.આયોજકોના જણાવ્યા મુજબ, ફેસ્ટિવલના પ્રથમ સંસ્કરણમાં ફીચર ફિલ્મ અને શોર્ટ ફિલ્મ કેટેગરી સહિત આશરે ૩૦ ફિલ્મો રજૂ થવાની અપેક્ષા છે. કાર્યક્રમનો મુખ્ય ઉદ્દેશ ભારતીય સિનેમાનું વૈવિધ્ય દર્શાવવાનો તેમજ ન્યૂઝીલેન્ડમાં દક્ષિણ એશિયાઈ ફિલ્મોની હાજરીને વધુ મજબૂત બનાવવાનો રહેશે. આ ફેસ્ટિવલની પ્રથમ આવૃત્તિ માટે તૈયારીઓ થઈ રહી છે, ત્યારે રિચા ચઢ્ઢા અને અલી ફઝલની હાજરી સાથેની આ લોન્ચ ઇવેન્ટ ભારતીય અને ન્યૂઝીલેન્ડ ફિલ્મ ઉદ્યોગ વચ્ચેના નવા સાંસ્કૃતિક અને સિનેમેટિક સહયોગની શરૂઆત તરીકે જાેવામાં આવી રહ્યો છે. જેમાં તેમની પહેલી ફિલ્મ ગર્લ્સ વિલ બી ગર્લ્સનું સ્ક્રીનિંગ પણ યોજાશે.
