ટ્રાન્સફર્મેશન વીડિયો ઘણા સમયથી ચર્ચામાં સલમાન ખાને ‘માતૃભૂમિ’ માટે કૅરિયરનું સૌથી કઠિન ફિટનેસ ટ્રાન્સફોર્મેશન કર્યું માર્ચ સુધી ફિલ્મનું નામ બેટલ ઓફ ગાલવાન હતું અને તે ૨૦૨૦માં ગાલવાન વેલીમાં થયેલા સંઘર્ષ પરથી પ્રેરિત હોવાનું કહેવાતું હતું સલમાન ખાનની ફિલ્મ ભલે રિલીઝ થવામાં એક પછી એક વિઘ્ન આવી રહ્યા છે, પરંતુ આ ફિલ્મ માટે સલમાને ભરપુર તૈયારીઓ કરી છે. છેલ્લાં કેટલાંક સમયથી આ ફિલ્મ માટે સલમાનનો ક્લીન શેવ્ડ લૂક અને ફિટનેસ ટ્રાન્સફર્મેશનની ઘણી ચર્ચા છે. ફિલ્મ માતૃભૂમિ સાથે જાેડાયેલા એક સુત્ર દ્વારા મળતી માહિતી અનુસાર, સુપરસ્ટાર સલમાન ખાને તેના પાત્ર માટે એક કઠિન ફિટનેસ રૂટીન અપનાવ્યું છે, જેમાં તેણે લદ્દાખની અતિઉચ્ચ ભૌગોલિક અને વિસમ પરિસ્થિતિઓમાં તાલીમ લીધી છે.ખરેખર, સલમાન સંપૂર્ણ રીતે તૈયાર થયો, તેમણે ઇન્ટેન્સ એન્ડ્યુરન્સ ડ્રિલ્સને હેવી વેઇટ સેશન્સ સાથે જાેડ્યા જેથી પાત્રની જરૂરિયાતો પૂરી કરી શકે.
ફિલ્મનાં પ્રોડક્શન સાથે જાેડાયેલા એક સુત્ર દ્વારા મળતી માહિતી અનુસાર, સલમાન ખાને ફિલ્મ માટે નોંધપાત્ર શારીરિક ટ્રાન્સફોર્મેશન કર્યું. લદ્દાખમાં હતો તે દરમિયાન, સુપરસ્ટારે પોતાની ફિટનેસ જાળવવા માટે ઇન્ટેન્સ કેલિસ્થેનિક્સ આધારિત રૂટીન અપનાવ્યું હતું.સુત્રએ જણાવ્યું, “સલમાન ખાને ફિલ્મ માટે અદ્ભુત શારીરિક ટ્રાન્સફોર્મેશન કર્યું છે. તેણે લદ્દાખની અતિ ઊંચાઈવાળી પરિસ્થિતિઓમાં તાલીમ લીધી, જેમાં ઇન્ટેન્સ એન્ડ્યુરન્સ ડ્રિલ્સ અને હેવી વેઇટ સેશન્સનો સમાવેશ થાય છે. આ તેનું તાજેતરના વર્ષાેમાં લીધેલું સૌથી કઠિન ફિટનેસ રૂટીનમાંનું એક છે, જે તેના પાત્ર પ્રત્યેની નવા સ્તરની પ્રતિબદ્ધતા દર્શાવે છે. લદ્દાખમાં ૪૫ દિવસના શીડ્યુલ દરમિયાન, સલમાને પોતાના શરીરને જાળવવા માટે કેલિસ્થેનિક્સ આધારિત ફિટનેસ રૂટીન અપનાવ્યું હતું, કારણ કે આવી ઊંચાઈ પર સંપૂર્ણ જિમ સેટઅપ લઈ જવું મુશ્કેલ હતું.”આ ઉપરાંત, એવું પણ કહેવાય છે કે ઘણી ઇજાઓ હોવા છતાં પણ તેણે આ પ્રકારની કસરત નિયમિત રીતે ચાલુ રાખી હતી. સુત્રે વધુમાં ઉમેર્યું, “સલમાન આ બધું ઘણી ઈજાઓ હોવા છતાં કરી રહ્યો છે. આવી પરિસ્થિતિઓમાં આટલી મહેનત, શિસ્ત અને ઉત્સાહ સાથે તાલીમ લેવીપ સાચે કહીએ તો, આ માત્ર સલમાન ખાન જ કરી શકે.”કેલિસ્થેનિક્સ આધારિત ફિટનેસ શું છે? તે ઘણા લોકો માટે એક નવી બાબત છે. કેલિસ્થેનિક્સ એ એક સંપૂર્ણ વર્કઆઉટ પ્રદાન કરે છે જેમાં કોઈ સાધન જરૂરી નથી. તે એક એવા પ્રકારની કસરત છે, જેમાં તમારી શરીરની શક્તિ અને મજબુતી વધારવાની કસરત કરાય છે. જેમાં વ્યક્તિ પોતાના શરીરના વજનને રેઝિસ્ટન્સ તરીકે ઉપયોગ કરીને પૂર્ણ શરીરના વ્યાયામ કરે છે. તેમાં પુશઅપ્સ, સ્ક્વોટ્સ, ક્રંચેસ, પ્લેન્ક્સ, બર્પીસ, પુલઅપ્સ અને લંજીસનો સમાવેશ થાય છે.જાે આ ફિલ્મની વાત કરવામાં આવે તો, માર્ચ સુધી ફિલ્મનું નામ બેટલ ઓફ ગાલવાન હતું અને તે ૨૦૨૦માં ગાલવાન વેલીમાં થયેલા સંઘર્ષ પરથી પ્રેરિત હોવાનું કહેવાતું હતું. હવે, પ્રોજેક્ટે અલગ દિશા લીધી છે – તેનું નામ બદલી દેવામાં આવ્યું છે, ચીન અને ગાલવાન વેલીના સંદર્ભાે દૂર કરવામાં આવ્યા છે, અને ટીમ દ્વારા મોટા પ્રમાણમાં રીશૂટ્સ કરવામાં આવી રહ્યા છે.ફિલ્મનું ટીઝર ડિસેમ્બરમાં રિલીઝ થયું હતું, તેમાં સલમાન પોતાની ટૂકડીની લીડ કરતો દેખાય છે. જ્યાં તે પૂર્વ લદ્દાખમાં ચીની સૈનિકો સામે નજીકથી યુદ્ધ લડતો હતો. જ્યારે ચીનની રાજ્ય સમર્થિત મીડિયા, ખાસ કરીને ગ્લોબલ ટાઈમ્સે કહ્યું કે તે “તથ્યોને તોડી મરોડીને દર્શાવે છે” અને વિરોધી ચીન ભાવનાઓને પ્રોત્સાહન આપે છે, ત્યારે ટીઝર પર વિવાદ થયો હતો.
