૯૮મા જન્મદિવસની શુભેચ્છાઓ આપી આશીર્વાદ લીધા વડાપ્રધાન મોદી

લાલકૃષ્ણ અડવાણીના ઘરે પહોંચ્યા અડવાણીજી પોતાના સૈદ્ધાંતિક જીવન, અટલ નિષ્ઠા અને રાષ્ટ્રવાદી વિચારસરણીથી દેશની રાજનીતિને નવી દિશા આપી છે : મોદી .વડાપ્રધાન નરેન્દ્ર મોદીએ રવિવારે સાંજે બીજેપીના વરિષ્ઠ નેતા અને ભારત રત્ન લાલકૃષ્ણ અડવાણી સાથે તેમના આવાસ પર મુલાકાત કરી અને જન્મદિવસની શુભકામનાઓ આપી. પીએમ મોદી હાલ બિહાર ચૂંટણી અભિયાનમાં વ્યસ્ત છે, પરંતુ પોતાના વ્યસ્ત કાર્યક્રમમાંથી સમય કાઢીને તે સાંજે દિલ્હી પરત ફર્યા અને સીધા અડવાણીના ઘરે પહોંચ્યા. પીએમ મોદીએ આ તકે અડવાણીના આશીર્વાદ લીધા અને તેમના વ્યક્તિગત તેમજ રાજનૈતિક માર્ગદર્શન માટે આભાર વ્યક્ત કર્યો. તેમણે કહ્યું કે, અડવાણીજી પોતાના સૈદ્ધાંતિક જીવન, અટલ નિષ્ઠા અને રાષ્ટ્રવાદી વિચારસરણીથી દેશની રાજનીતિને નવી દિશા આપી છે.લાલકૃષ્ણ અડવાણી રવિવારે ૯૮ વર્ષના થયા છે. તેમણે તેમની દાયકાઓ લાંબી રાજકીય કારકિર્દીમાં માત્ર ભાજપને નવી ઓળખ આપી નથી, પરંતુ ભારતીય લોકતંત્રમાં વિચારધારા આધારિત રાજકારણની મજબૂતીની પાયાની રચના પણ કરી છે. આ પહેલા પીએમ મોદીએ પૂર્વ ઉપપ્રધાનમંત્રી લાલકૃષ્ણ અડવાણીને સોશિયલ મીડિયા દ્વારા જન્મદિવસની શુભેચ્છા આપી હતી. તેમને આ વર્ષે ભારતના સર્વોચ્ચ નાગરિક સન્માન ભારત રત્નથી સન્માનિત કરવામાં આવ્યા છે.પીએમ મોદીએ સોશિયલ મીડિયા પ્લેટફોર્મ એક્સ પર લખ્યું, “લાલકૃષ્ણ અડવાણીજીને તેમના જન્મદિવસ પર હાર્દિક શુભકામનાઓ. મહાન દ્રષ્ટિ અને તીક્ષ્ણ બુદ્ધિ ધરાવતા રાજનેતા અડવાણીજીનું જીવન ભારતની પ્રગતિને મજબૂત બનાવવા માટે સમર્પિત રહ્યું છે.” પ્રધાનમંત્રી મોદીએ કહ્યું, “તેમણે નિસ્વાર્થ ફરજ અને દૃઢ સિદ્ધાંતોની ભાવનાને હંમેશા અપનાવી છે. તેમના યોગદાનએ ભારતના લોકતંત્ર અને સાંસ્કૃતિક પરિપ્રેક્ષ્ય પર અમિટ છાપ છોડી છે. ઈશ્વર તેમને ઉત્તમ આરોગ્ય અને દીર્ઘાયુ પ્રદાન કરે.”