દિલ્હીમાં આજથી નવા પ્રતિબંધ PUC નહીં હોય તો પેટ્રોલ નહીં મળે, શ્રમિકોને ૧૦૦૦૦ની સહાય.રાજધાની દિલ્હીમાં સતત વકરી રહેલા વાયુ પ્રદૂષણ અને ઝેરી હવાને કારણે દિલ્હી સરકારે પાબંદીઓ અમલમાં મૂકી.રાજધાની દિલ્હીમાં સતત વકરી રહેલા વાયુ પ્રદૂષણ અને ઝેરી હવાને કારણે દિલ્હી સરકારે આજથી (ગુરુવાર, ૧૮ ડિસેમ્બર) અત્યંત કડક પાબંદીઓ અમલમાં મૂકી છે. દિલ્હીમાં એર ક્વોલિટી ઈન્ડેક્સ (AQI) ગંભીર સ્તરે પહોંચતા સરકારે ઓફિસો માટે વર્ક ફ્રોમ હોમ અને વાહનો માટે નવા નિયમો જાહેર કર્યા છે.
દિલ્હીના શ્રમ મંત્રી કપિલ મિશ્રાએ જાહેરાત કરી છે કે ગુરુવારથી તમામ સરકારી અને ખાનગી ઓફિસોમાં ૫૦% સ્ટાફ માટે વર્ક ફ્રોમ હોમ (ઘરથી કામ) ફરજિયાત રહેશે.
જાે કોઈ સંસ્થા આ નિયમનો ભંગ કરશે તો તેની સામે કડક કાર્યવાહી કરવામાં આવશે. જાેકે, હોસ્પિટલ, પ્રદૂષણ નિયંત્રણ વિભાગ, ફાયર બ્રિગેડ, ટ્રાન્સપોર્ટ અને સફાઈ જેવી જીવનજરૂરી સેવાઓ સાથે જાેડાયેલા કર્મચારીઓને આમાંથી મુક્તિ આપવામાં આવી છે.
બાંધકામ પ્રવૃત્તિઓ પર પ્રતિબંધ આવતા મજૂરોની રોજીરોટી પર અસર પડી છે. તેને ધ્યાનમાં રાખીને સરકારે જાહેરાત કરી છે કે જ્યાં સુધી GRAP-IV ના નિયમો લાગુ રહેશે, ત્યાં સુધી પ્રભાવિત મજૂરોને રૂ.૧૦,૦૦૦ ની આર્થિક સહાય આપવામાં આવશે.
પર્યાવરણ મંત્રી મંજીન્દર સિંહ સિરસાએ વાહન પ્રદૂષણ રોકવા માટે મોટો ર્નિણય લીધો છે. હવેથી દિલ્હીના કોઈપણ પેટ્રોલ પંપ પર વેલિડ PUC (Pollution Under Control) સર્ટિફિકેટ વિના ઈંધણ મળશે નહીં.
PUC ફી: ટુ-વ્હીલર માટે રૂ.૬૦, ફોર-વ્હીલર (પેટ્રોલ) માટે રૂ.૮૦ અને ડીઝલ વાહનો માટે રૂ.૧૦૦ નક્કી કરાઈ છે. BS-IV અને BS-VI વાહનો માટે આ સર્ટિફિકેટ ૧૨ મહિના સુધી માન્ય ગણાય છે.
બાંધકામ સામગ્રીના વાહનો: બાંધકામની વસ્તુઓ લાવતા ટ્રકોના પ્રવેશ પર સંપૂર્ણ પ્રતિબંધ મૂકવામાં આવ્યો છે.
BS-6 થી નીચેના વાહનો: દિલ્હી બહાર રજિસ્ટર્ડ થયેલા અને BS-6 સ્ટાન્ડર્ડથી નીચેના તમામ વાહનોના પ્રવેશ પર રોક લગાવી દેવામાં આવી છે.
ટ્રાફિક પોલીસ અને ટ્રાન્સપોર્ટ વિભાગની ટીમો પેટ્રોલ પંપો અને દિલ્હીની બોર્ડર પર તૈનાત રહેશે. સરકાર હવે વાહનોની સંખ્યા ઘટાડવા માટે પોતાની કારપૂલિંગ એપ લોન્ચ કરવાની પણ યોજના બનાવી રહી છે, જેથી લોકો એકબીજા સાથે વાહન શેર કરી શકે અને પ્રદૂષણમાં ઘટાડો થાય.
