પાંચ એજન્સીઓ નહીં કરે પૂછપરછની લેખિત ખાતરી.ભાગેડુ નીરવ મોદીને પરત લાવવા સરકારના પ્રયાસો.ભારત સરકારે બ્રિટનને ગેરંટી આપી છે કે ભાગેડુ નીરવ મોદી પર ભારતમાં ફક્ત કોર્ટ ટ્રાયલ જ થશ.ભારત સરકાર ભાગેડુ નીરવ મોદીને ભારત લાવવા માટે તમામ પ્રયાસો કરી રહી છે. હવે, ભારત સરકારે બ્રિટનને ખાતરી આપી છે કે જાે તેને હવાલો સોંપવો આવશે, તો તેની સામે ફક્ત કોર્ટમાં જ કેસ ચલાવવામાં આવશે. કોઈ એજન્સી તેની પૂછપરછ કરશે નહીં, કે તેને ફરીથી અટકાયતમાં લેવામાં આવશે નહીં. સરકારે આ અંગે બ્રિટનને પત્ર લખ્યો છે.
ભાગેડુ નીરવ મોદી પર હજારો કરોડ રૂપિયાના કૌભાંડનો આરોપ છે. ભારત સરકારે તેના કેસ અંગે બ્રિટનને સ્પષ્ટ સંદેશ આપ્યો છે. ભારતે લંડન સરકાર અને કોર્ટને ખાતરી આપી છે કે પાંચ મુખ્ય ભારતીય એજન્સીઓ – ઝ્રમ્ૈં, ઈડ્ઢ, જીહ્લૈર્ંં, કસ્ટમ્સ અને આવકવેરા વિભાગ – તેમની પૂછપરછ કરશે નહીં.
આ અંગે ખાતરી પત્ર અથવા લેખિત ગેરંટી જારી કરવામાં આવી છે. તેમાં જણાવાયું છે કે નીરવ મોદી સામે પહેલાથી જ નોંધાયેલા કેસ જ ચલાવવામાં આવશે. આમાં છેતરપિંડી અને મની લોન્ડરિંગનો સમાવેશ થાય છે. નીરવ મોદીએ લંડનની વેસ્ટમિન્સ્ટર કોર્ટમાં અપીલ કરી હતી. તેમણે દાવો કર્યો હતો કે જાે તેમને ભારત મોકલવામાં આવશે, તો તેમની અનેક એજન્સીઓ દ્વારા પૂછપરછ કરવામાં આવશે અને જેલમાં ત્રાસ આપવામાં આવશે. ભારતે સ્પષ્ટતા કરી હતી કે તેમને ફક્ત કોર્ટ ટ્રાયલનો સામનો કરવો પડશે અને કોઈપણ એજન્સી દ્વારા પૂછપરછ કરવામાં આવશે નહીં.
ભારત સરકારે પોતાના પત્રમાં નીરવ મોદીની સુરક્ષા અને રહેવાની વ્યવસ્થાનો પણ ઉલ્લેખ કર્યો છે. તેમને મુંબઈની આર્થર રોડ જેલના બેરેક નંબર ૧૨ માં રાખવામાં આવશે. આ બેરેક ખાસ કરીને હાઇ-પ્રોફાઇલ કેદીઓ માટે બનાવવામાં આવી છે. તેમને સામાન્ય કેદીઓથી અલગ રાખવામાં આવે છે અને યુરોપિયન ધોરણો અનુસાર જરૂરી સુવિધાઓ પૂરી પાડવામાં આવે છે.
અધિકારીઓને વિશ્વાસ છે કે ભારતની લેખિત ખાતરી બાદ નીરવ મોદીની અપીલ ફગાવી દેવામાં આવશે. આ કેસની સુનાવણી ૨૩ નવેમ્બરે થવાની છે, અને તે દિવસે નીરવ મોદીનો દાવો ફગાવી દેવાની શક્યતા છે. નીરવ મોદી પર આશરે ?૧૩,૦૦૦ કરોડના પંજાબ નેશનલ બેંકના છેતરપિંડીનો આરોપ છે. ઈડ્ઢ અને ઝ્રમ્ૈંએ પહેલાથી જ તેમની પાસેથી હજારો કરોડ રૂપિયાની સંપત્તિ જપ્ત કરી લીધી છે. ભારત સરકાર નીરવ મોદીને શક્ય તેટલી વહેલી તકે પરત લાવવા માંગે છે જેથી તેના પર ભારતમાં કેસ ચલાવી શકાય.
