ભારતમાં લોન્ચ પહેલા સ્ટારલિંકને મોટી મંજૂરી, સુપરફાસ્ટ સેટેલાઇટ ઇન્ટરનેટની તૈયારી

કનેક્ટિવિટી થશે સુપરફાસ્ટ.ભારતમાં લોન્ચ પહેલા સ્ટારલિંકને મળી મોટી મંજૂરી.એલોન મસ્કની કંપની સ્ટારલિંક, ભારતમાં તેની સેટેલાઇટ ઇન્ટરનેટ સેવા શરૂ કરવાની તૈયારી કરી રહી છે.અમેરિકન અબજાેપતિ એલોન મસ્કની કંપની સ્ટારલિંક, ભારતમાં તેની સેટેલાઇટ ઇન્ટરનેટ સેવા શરૂ કરવાની તૈયારી કરી રહી છે. કંપનીને એક મોટી મંજૂરી મળી છે, જેનાથી તે તેના નેટવર્કમાં ઉપગ્રહોની સંખ્યા બમણી કરી શકશે. યુએસ ફેડરલ કોમ્યુનિકેશન્સ કમિશન (FCC) એ ૭,૫૦૦ સેકન્ડ જનરેશનના ઉપગ્રહો તૈનાત કરવાની કંપનીની વિનંતીને મંજૂરી આપી છે. આનાથી કંપનીના નેટવર્કમાં ઉપગ્રહોની કુલ સંખ્યા ૧૫,૦૦૦ થશે.
FCC એ કંપનીને ઉપગ્રહોની સંખ્યા વધારવા માટે માત્ર લીલી ઝંડી જ નથી આપી, પરંતુ તે પાંચ ફ્રીક્વન્સીઝ અને તરંગો પર પણ કાર્ય કરી શકશે જે અગાઉ પ્રતિબંધિત હતા. FCC ચીફ બ્રેન્ડન કારે જણાવ્યું હતું કે આ મંજૂરી ન્યૂ જનરેશન સેવાઓ માટે ગેમ-ચેન્જર હશે. નવા ઉપગ્રહો કંપનીને શ્રેષ્ઠ ઉપગ્રહ બ્રોડબેન્ડ ક્ષમતાઓ પ્રદાન કરવામાં સક્ષમ બનાવશે. મસ્કની કંપની કુલ ૩૦,૦૦૦ ઉપગ્રહો લોન્ચ કરવાની યોજના ધરાવે છે, જેમાંથી તેને ૧૫,૦૦૦ માટે મંજૂરી મળી ગઈ છે. FCC ની જરૂરિયાતો અનુસાર, કંપની પાસે ડિસેમ્બર ૨૦૨૮ સુધીમાં તેના સેકન્ડ જનરેશન ઉપગ્રહોમાંથી અડધા કાર્યરત હોવા જાેઈએ, અને બાકીના ઉપગ્રહોને તૈનાત કરવા માટે ડિસેમ્બર ૨૦૩૧ સુધીનો સમય હોવો જાેઈએ.

સ્ટારલિંકને ભારતમાં તેની સેવા શરૂ કરવા માટે કામચલાઉ લાઇસન્સ મળ્યું છે, અને ટ્રાયલ ચાલી રહી છે. હવે, કંપનીને નવા ઉપગ્રહો લોન્ચ કરવાની મંજૂરી મળી ગઈ છે જે કનેક્ટિવિટીને મોટો વેગ આપશે અને ભારત સહિત વિશ્વભરના તમામ દેશોને લાભ આપશે જ્યાં સ્ટારલિંક સેવાઓ ઉપલબ્ધ છે. સ્ટારલિંકની વરિષ્ઠ ટીમ ભારત સરકાર સાથે ચર્ચા કરી રહી છે અને એવી અપેક્ષા છે કે આગામી થોડા મહિનામાં સ્ટારલિંકની ઉપગ્રહ સેવા ભારતમાં શરૂ થશે.