ઈંગ્લેન્ડ તરફથી ફિલ સોલ્ટની ફિફ્ટી સુપર-૮ મેચમાં ઈંગ્લેન્ડનો ભવ્ય વિજય, શ્રીલંકાએ નોંધાવ્યો શરમજનક રેકોર્ડ ઈંગ્લેન્ડે પ્રથમ બેટિંગ કરી ૧૪૬ રન નોંધાવ્યા હતા, જેની સામે શ્રીલંકાની ટીમ માત્ર ૯૫ રનમાં ઓલઆઉટ થઈ T20 વર્લ્ડકપ-૨૦૨૬ની સુપર-૮માં ઈંગ્લેન્ડે શ્રીલંકાને ૫૧ રન પરાજય આપ્યો છે. આ સાથે શ્રીલંકાએ આ વર્લ્ડકપમાં શરમજનક રેકોર્ડ નોંધાવ્યો છે. ઈંગ્લેન્ડે પ્રથમ બેટિંગ કરી ૨૦ ઓવરમાં ૯ વિકેટે ૧૪૬ રન નોંધાવ્યા હતા, જેની સામે શ્રીલંકાની ટીમ માત્ર ૯૫ રનમાં ઓલઆઉટ થઈ ગઈ છે.
ઈંગ્લેન્ડની આ બેટિંગ ઇનિંગ્સમાં ફિલ સોલ્ટે સૌથી વધુ ૪૦ બોલમાં ૬ ચોગ્ગા અને ૨ છગ્ગાની મદદથી ૬૨ રન બનાવ્યા હતા. જાેસ બટલરે ૧૪ બોલમાં ૭ રન કર્યા હતા અને જેકબ બેથેલે ૪ બોલમાં ૩ રન નોંધાવ્યા હતા. ટોમ બેન્ટને ૭ બોલમાં ૬ રન બનાવ્યા જ્યારે કેપ્ટન હેરી બ્રૂકે ૭ બોલમાં ૧ ચોગ્ગા સાથે ૧૪ રનનું યોગદાન આપ્યું હતું. સેમ કરને ૧૧ બોલમાં ૧ છગ્ગા સાથે ૧૧ રન અને વિલ જેક્સે ૧૪ બોલમાં ૪ ચોગ્ગાની મદદથી ૨૧ રન બનાવ્યા હતા. લિયામ ડોસને ૧૧ બોલમાં ૬ રન કર્યા હતા જ્યારે જેમી ઓવરટને ૧૦ બોલમાં ૧ છગ્ગા સાથે અણનમ ૧૦ રન બનાવ્યા હતા. આ સિવાય જાેફ્રા આર્ચર શૂન્ય રને આઉટ થયો હતો અને આદિલ રશીદે ૧ બોલમાં અણનમ ૧ રન કર્યો હતો.
આ મેચમાં શ્રીલંકા તરફથી પાંચ મુખ્ય બોલરોએ બોલિંગ કરી હતી. દિલશાન મદુશંકાએ ૪ ઓવરમાં ૨૫ રન આપીને ૨ વિકેટ ઝડપી હતી. દુનિથ વેલાલેગે સૌથી સફળ બોલર રહ્યો હતો, જેણે ૪ ઓવરમાં ૨૬ રન આપીને સૌથી વધુ ૩ વિકેટ મેળવી હતી. મહીશ થીક્ષણાએ પણ શિસ્તબદ્ધ બોલિંગ કરતા ૪ ઓવરમાં માત્ર ૨૧ રન ખર્ચ્યા હતા અને ૨ વિકેટ પોતાના નામે કરી હતી. દુષ્મંત ચમીરાને ૪ ઓવરમાં ૩૪ રન આપીને ૧ વિકેટ મળી હતી. રન આપવાની દ્રષ્ટિએ જાેવામાં આવે તો દુશન હેમંથા સૌથી મોંઘો સાબિત થયો હતો, જેણે પોતાની ૪ ઓવરમાં સૌથી વધુ ૩૮ રન આપ્યા હતા અને તેને એક પણ વિકેટ મળી ન સુપર-૮…
હતી.શ્રીલંકાની ટીમ આ મેચમાં ૧૬.૪ ઓવરમાં ૯૫ રન બનાવીને ઓલઆઉટ થઈ ગઈ હતી. ઓપનિંગ બેટર પાથુમ નિસાન્કાએ ૮ બોલમાં ૨ ચોગ્ગા સાથે ૯ રન બનાવ્યા હતા, જ્યારે તેની સાથે આવેલ કામિલ મિશારાએ ૨૩ મિનિટ ક્રિઝ પર વિતાવીને ૧૧ બોલમાં ૧ ચોગ્ગાની મદદથી ૬ રન નોંધાવ્યા હતા. કુસલ મેન્ડિસે ૪ બોલમાં ૪ રન કર્યા હતા જેમાં ૧ ચોગ્ગાનો સમાવેશ થાય છે.
પવન રથનાયકે પોતાનું ખાતું ખોલાવી શક્યો નહોતો અને માત્ર ૧ બોલ રમીને શૂન્ય રને આઉટ થયો હતો. દુનિથ વેલાલેગે ૧૦ બોલમાં ૨ ચોગ્ગાની મદદથી ૧૦ રન ફટકાર્યા હતા. ટીમના મધ્યક્રમમાં કામિન્દુ મેન્ડિસે ૧૧ બોલમાં ૧ ચોગ્ગો અને ૧ છગ્ગા સાથે ૧૩ રનનું યોગદાન આપ્યું હતું. કેપ્ટન દાસુન શનાકાએ સૌથી વધુ રન બનાવ્યા હતા, તેણે ૨૪ બોલમાં ૧ ચોગ્ગો અને ૨ છગ્ગાની મદદથી ૩૦ રન કર્યા હતા. દુષાન હેમંથાએ ૮ બોલ રમીને ૫ રન બનાવ્યા હતા. દુષ્મન્થા ચમીરાએ ૧૩ બોલમાં ૬ રન નોંધાવ્યા હતા. મહેશ થીક્ષાના ૮ બોલમાં ૧ ચોગ્ગા સાથે ૧૦ રન બનાવીને અણનમ રહ્યો હતો. દિલશાન મદુશંકા ૨ બોલમાં શૂન્ય રને આઉટ થયો હતો. આ સિવાય ટીમમાં ૨ રન એક્સ્ટ્રા (વાઈડ) તરીકે મળ્યા હતા.
આ મેચમાં ઈંગ્લેન્ડના બોલરોએ શાનદાર પ્રદર્શન કર્યું હતું જેમાં વિલ જેક્સ સૌથી સફળ બોલર રહ્યો હતો જેણે ૪ ઓવરમાં ૨૨ રન આપીને ૩ વિકેટ ઝડપી હતી. જાેફ્રા આર્ચરે ૩ ઓવર ફેંકી હતી અને ૨૦ રન આપીને ૨ વિકેટ મેળવી હતી.
લિયામ ડોસને ૪ ઓવરના સ્પેલમાં ૨૭ રન આપ્યા હતા અને ૨ વિકેટ ઝડપી હતી. આદિલ રાશિદે ૩.૪ ઓવરમાં ૧૩ રન આપીને ૨ વિકેટ મેળવી હતી, જ્યારે જેમી ઓવરટને ૨ ઓવરમાં ૧૩ રન આપીને ૧ વિકેટ લીધી હતી. રન આપવાની દ્રષ્ટિએ જાેઈએ તો લિયામ ડોસને સૌથી વધુ ૨૭ રન આપ્યા હતા, જાેકે તેની ઈકોનોમી ૬.૭૫ ની હતી. બીજી તરફ વિલ જેક્સે ૨૨ રન અને જાેફ્રા આર્ચરે ૨૦ રન ખર્ચ્યા હતા. આદિલ રાશિદ અને જેમી ઓવરટને સૌથી ઓછા એટલે કે ૧૩-૧૩ રન આપ્યા હતા. આ આંકડાઓ પરથી સ્પષ્ટ થાય છે કે આખી બોલિંગ યુનિટે સંયુક્ત રીતે શ્રીલંકન બેટરો પર દબાણ બનાવી રાખ્યું હતું.
T20 વર્લ્ડકપ-૨૦૨૬ની સુપર-૮માં આજની મેચમાં ઈંગ્લેન્ડે ૯ વિકેટે ૧૪૬ રન નોંધાવ્યા હતા, જેની સામે શ્રીલંકાની ટીમ ૯૫ રનમાં ઓલઆઉટ થઈ ગઈ હતી. આ સાથે શ્રીલંકાએ આ વર્લ્ડકપમાં સૌથી શરમજનક રેકોર્ડ નોંધાવ્યો છે. આ વર્લ્ડકપમાં શ્રીલંકા પહેલી એવી ટીમ છે, જે સૌથી ઓછા સ્કોરમાં ઓલઆઉટ થઈ ગઈ છે.
