T20 World Cup: ભારતીય ક્રિકેટ ટીમે રોહિત શર્માના નેતૃત્વમાં 2024નો T20 વર્લ્ડ કપ જીત્યો છે. ભારતે ટાઈટલ મેચમાં સાઉથ આફ્રિકાને સાત રને હરાવ્યું હતું. આ T20 વર્લ્ડ કપની 9મી આવૃત્તિ હતી. આ સાથે, ચાહકો હવે જાણવા માંગે છે કે આગામી T20 વર્લ્ડ કપ ક્યારે રમાશે. હવે આગામી વર્લ્ડ કપની તમામ માહિતી અહીં ઉપલબ્ધ થશે.
આગામી T20 વર્લ્ડ કપ ક્યારે યોજાશે?
તમારી જાણકારી માટે તમને જણાવી દઈએ કે હવે આગામી T20 વર્લ્ડ કપ 2026માં રમાશે. ICCએ 2026 T20 વર્લ્ડ કપ માટે ફેબ્રુઆરીથી માર્ચની વિન્ડો આપી છે. 2026 ICC મેન્સ T20 વર્લ્ડ કપ T20 વર્લ્ડ કપની દસમી આવૃત્તિ હશે. આ વર્લ્ડ કપમાં કુલ 20 ટીમો ભાગ લેશે ICC પહેલાથી જ આગામી વર્લ્ડ કપને લઈને ઘણી માહિતી આપી ચૂકી છે.
આગામી T20 વર્લ્ડ કપ ક્યાં રમાશે?
આગામી વર્લ્ડ કપ એટલે કે 2026 T20 વર્લ્ડ કપ ભારત અને શ્રીલંકામાં રમાશે. બંને દેશ સંયુક્ત રીતે તેની યજમાની કરશે. 2024 T20 વર્લ્ડ કપની સુપર-8 ટીમો 2026 T20 વર્લ્ડ કપ માટે ક્વોલિફાય થઈ ગઈ છે. યજમાન હોવાના કારણે ભારત અને શ્રીલંકા પહેલાથી જ તેનો ભાગ બની ચૂક્યા છે. રિપોર્ટ અનુસાર, 2026 T20 વર્લ્ડ કપની મોટાભાગની મેચો ભારતમાં રમાશે. આ વૈશ્વિક ટૂર્નામેન્ટમાં ભાગ લેવા માટે યુએસએની ટીમ પણ ભારત આવશે.
તમને જણાવી દઈએ કે T20 વર્લ્ડ કપ 2026નું આયોજન ભારત અને શ્રીલંકામાં થવાનું છે. તે ફેબ્રુઆરીમાં શરૂ થઈ શકે છે. T20 વર્લ્ડ કપમાં કુલ 20 ટીમો ભાગ લેશે. આમાં 12 ક્વોલિફાય થયા છે. જ્યારે 8 ટીમો ક્વોલિફાયરમાંથી આવશે. 20 ટીમો વચ્ચે કુલ 55 મેચો રમાશે. શેડ્યૂલ હજુ જાહેર કરવામાં આવ્યું નથી.
જે દેશો 2026 T20 વર્લ્ડ કપ માટે ક્વોલિફાય થયા છે – ભારત, શ્રીલંકા, ઓસ્ટ્રેલિયા, અફઘાનિસ્તાન, બાંગ્લાદેશ, ઈંગ્લેન્ડ, દક્ષિણ આફ્રિકા, યુએસએ, વેસ્ટ ઈન્ડિઝ, ન્યુઝીલેન્ડ, આયર્લેન્ડ અને પાકિસ્તાન.
