રૉકેટ ગતિએ ઉછળ્યા ભાવ.અમેરિકા-વેનેઝુએલાની ઘમસાણની અસર સોના-ચાંદી પર પણ જાેવા મળી.સુરક્ષિત રોકાણ કરનારાઓએ સોનાનો ભાવ રૂ.૧.૩૭ લાખ અને ચાંદીની કિંમત રૂ.૨.૪૩ લાખ પર પહોંચાડ્યો.અમેરિકા-વેનેઝુએલાની ઘમસાણની સીધી અસર સોના-ચાંદીના ભાવ પર પડી છે. અમેરિકાએ વેનેઝુએલાના રાષ્ટ્રપ્રમુખ નિકોલસ માદુરોની ધરપકડ કરવાના અને બંને દેશો વચ્ચે સૈન્ય ઘર્ષણના સમાચાર સામે આવ્યા બાદ રોકાણકારો સતર્ક થઈ ગયા છે, જેના કારણે આજે પાંચમી જાન્યુઆરીએ સોના-ચાંદીની કિંમતોમાં રૉકેટ વધારો થયો છે. વૈશ્વિક ટેન્શનને ધ્યાને રાખીને રોકાણકારોએ શેર માર્કેટથી દૂર રહેવાનો અને સોના-ચાંદીમાં સુરક્ષિત રોકાણ કરવાનું વલણ અપનાવ્યું છે. સુરક્ષિત રોકાણ કરનારાઓએ સોનાનો ભાવ રૂ.૧.૩૭ લાખ અને ચાંદીની કિંમત રૂ.૨.૪૩ લાખ પર પહોંચાડી દીધી છે.
MCX પર ‘ગોલ્ડ ફેબ્રુઆરી ફ્યૂચર’માં આજે જાેરદાર વધારો જાેવા મળ્યો છે. બપોરે દોઢ વાગ્યે પ્રતિ ૧૦ ગ્રામ સોનાની કિંમત ૧.૪૭ ટકા વધીને ૧,૩૭,૭૫૦ રૂપિયા પર પહોંચી ગઈ છે. જાેકે આ આંકડો ડિસેમ્બર-૨૦૨૫ના રેકોર્ડ લેવલથી ૧,૪૦,૪૬૫ રૂપિયા નીચે છે.
આજે ચાંદીના ભાવમાં પણ ધરખમ વધારો જાેવા મળ્યો છે. એમસીએક્સ પર ‘સિલ્વર માર્ચ ફ્યૂચર’ ૨.૯૨ ટકા વધારાની સાથે ૨,૪૩,૨૩૩ રૂપિયે પ્રતિ કિલો પર ટ્રેડ કરતો જાેવા મળ્યો છે. આજે પ્રતિ કિલો ચાંદીની ભાવમાં એક જ દિવસમાં લગભગ રૂપિયા ૬૮૦૦થી વધુનો વધારો જાેવા મળ્યો છે. જાેકે આ આંકડો ડિસેમ્બર-૨૦૨૫ના ઑલ ટાઈમ હાઈવ ૨,૫૪,૧૭૪ રૂપિયાથી નીચે છે.
અમેરિકામાં ‘સ્પોટ ગોલ્ડ’ પ્રતિ ઔશ લગભગ ૧.૫ ટકા વધ્યું છે, જેના કારણે તેની કિંમત ૪૩૯૫ ડૉલર પર પહોંચી છે. જ્યારે ‘ગોલ્ડ ફ્યૂચર’ પ્રતિ ઔશ ૪૪૧૮ ડૉલર પર ટ્રેડ થતું જાેવા મળ્યું છે. રશિયા-યુક્રેન વાતચીતમાં અનિશ્ચિતતા અને ડૉલર સામે રૂપિયો ગગડતા, તેની અસર સ્થાનિક માર્કેટમાં સોના-ચાંદીના ભાવ પર પડી છે.
