ટ્રમ્પનું H-1B પર બેવડું વલણ: અમેરિકન નોકરી સુરક્ષા સાથે કુશળ વિદેશી શ્રમિકોની જરૂરિયાત

મીડિયા સાથેની વાતચીતમાં કૅરોલિન લેવિટે ભારપૂર્વક કહ્યું કે, ‘ટ્રમ્પ અમેરિકન કર્મચારીઓની જગ્યાએ વિદેશીઓને રાખવાના પક્ષમાં નથી. તેમની ઇચ્છા છે કે અમેરિકન મેન્યુફેક્ચરિંગ ઉદ્યોગ પહેલાં કરતાં વધુ સારો વિકાસ કરે. તેમણે સમજાવ્યું કે આ નીતિ એ જ વ્યાપક વ્યૂહરચનાનો ભાગ છે, જેના દ્વારા પ્રમુખ અસરકારક રીતે ટેરિફનો ઉપયોગ કરીને અને વૈશ્વિક સ્તરે સારા વેપાર સોદાઓ કરીને કામ કરી રહ્યા છે.‘ૐ-૧મ્ વિઝા સંબંધિત ચિંતાઓ પર બોલતા કૅરોલિન લેવિટે કહ્યું કે, ‘ૐ-૧મ્ વિઝાના મુદ્દે ડોનાલ્ડ ટ્રમ્પનો અભિપ્રાય ‘સૂક્ષ્મ અને વ્યવહારુ‘ છે. તેમણે સમજાવ્યું કે જાે વિદેશી કંપનીઓ અમેરિકામાં કરોડોનું રોકાણ કરીને બેટરી જેવા ઉત્પાદનો માટે વિદેશી કામદારોને લાવી રહી છે, તો ટ્રમ્પની ઇચ્છા છે કે તે કારખાનાઓ ઝડપથી ચાલુ થાય. જાેકે, તેમણે સ્પષ્ટપણે ભાર મૂક્યો કે ટ્રમ્પ આ નોકરીઓમાં આખરે અમેરિકન લોકોને જ પ્રાથમિકતા આપવા માંગે છે.‘

આ સાથે, ડોનાલ્ડ ટ્રમ્પે તાજેતરમાં H-1B વિઝા યોજનાનો બચાવ કરતા જણાવ્યું હતું કે, તેમને તેમના રૂઢિચુસ્ત મિત્રો અને મેક અમેરિકા ગ્રેટ અમેરિકા(સ્છય્છ) સમર્થકો પ્રત્યે પ્રેમ છે. તેમ છતાં, તેમણે સ્વીકાર્યું હતું કે અમેરિકાને વિદેશી કુશળ કામદારોની જરૂર છે.

૨૦ નવેમ્બરના રોજ યુએસ-સાઉદી ઇન્વેસ્ટમેન્ટ ફોરમમાં ટ્રમ્પે તેમના સમર્થકો તરફથી થઈ રહેલી ટીકાઓનો જવાબ આપ્યો હતો. તેમણે તર્ક આપ્યો હતો કે જે કંપનીઓ અદ્યતન ટેક્નૉલોજીમાં મોટું રોકાણ કરી રહી છે, તે ફક્ત એક કમ્પ્યુટર ચિપ ફેક્ટરી ખોલીને તરત જ બેરોજગારોની લાઇનમાંથી લોકોને નોકરીઓ આપી શકતી નથી. તેમણે ભારપૂર્વક કહ્યું કે વિદેશી નિષ્ણાતોને પરત જતાં પહેલાં અમેરિકન કર્મચારીઓને તાલીમ આપવાની જરૂર છે.