Loksabha Election 2024: લોકસભા 2024ની પ્રથમ તબક્કાની ચૂંટણી શરુ થવાને હવે ગણતરીના દિવસો જ બાકી રહ્યા છે. જેને લઈને પ્રજાને રીઝવવાની સાથે સાથે નેતાઓ ભગવાનના દ્વારે પણ જીત માટે પ્રાર્થના કરતા જોવા મળી રહ્યા છે. ત્યારે આજે ભારતીય જનતા પાર્ટીના નેતાઓ ચૂંટણી પહેલા ડાકોરના ઠાકોરના શરણે પહોંચ્યા હતા. ધ્વજા ચઢાવી પાર્ટીની અને મોદીની ભવ્ય જીત માટે પ્રાર્થના કરી હતી.
ભાજપ દ્વારા બંને ઉમેદવારોનું વાજતે ગાજતે સ્વાગત કરવામાં આવ્યું હતું
પ્રાપ્ત માહિતી અનુસાર, ખેડાના ડાકોરમાં ભાજપના ખેડા અને પંચમહાલના ઉમેદવાર દ્વારા ડાકોરના ઠાકોરના દર્શન કરી ધ્વજા ચઢવામાં આવી હતી. આ દરમિયાન ડાકોર શહેર ભાજપ દ્વારા બંને ઉમેદવારોનું વાજતે ગાજતે સ્વાગત કરવામાં આવ્યું હતું.
આજે ખેડા લોકસભા બેઠકના ભાજપ ઉમેદવાર દેવુસિંહ ચૌહાણ અને તેમની સાથે અને પંચમહાલ લોકસભા બેઠકના ભાજપ ઉમેદવાર રાજપાલ જાદવ ડાકોરના ઠાકોરના શરણે પહોંચ્યા હતા. જ્યાં આ બંને નેતાઓએ ઠાકોરના શરણે શીશ નમાવી આશીર્વાદ લીધા અને સાથે જ ધ્વજા પણ ચઢાવી હતી. આ ઉપરાંત ભારતીય જનતા પાર્ટી અને મોદી ભવ્ય વિજય બને તેવી પ્રાર્થના કરી હતી.
લોકસભા બેઠકના ભાજપ ઉમેદવાર દેવુસિંહ ચૌહાણને એવું નિવેદન આપ્યું હતું….
આ પ્રસંગે ડાકોરમાં ઠાકોરના દર્શનાર્થે આવેલ ખેડા લોકસભા બેઠકના ભાજપ ઉમેદવાર દેવુસિંહ ચૌહાણને એવું નિવેદન આપ્યું હતું કે, “વડાપ્રધાન નરેન્દ્ર મોદીને પરમ વૈભવે લઇ જાય અને તેમના સહભાગી બન્યાં છીએ ત્યારે પ્રાથાના કરવા આવ્યા છીએ”
