વરિષ્ઠ નાગરિકો દ્વારા ટર્મ લાઈફ ઈન્સ્યોરન્સ અને હેલ્થ ઈન્સ્યોરન્સ માટે ચૂકવવામાં આવેલ પ્રિમીયમ કરમુક્ત મેળવી શકાય છે. GST કાઉન્સિલ દ્વારા રચવામાં આવેલ GoMએ આની ભલામણ કરી છે. આ સાથે, GoMએ 20 લિટર પાણીની બોટલ, સાયકલ અને પ્રેક્ટિસ નોટબુક પર ટેક્સ રેટ ઘટાડીને પાંચ ટકા કરવાનો નિર્ણય કર્યો. સાથે જ મોંઘી કાંડા ઘડિયાળ અને શૂઝ પર ટેક્સ વધારવાનું સૂચન કરવામાં આવ્યું છે. જોકે, આ અંગે અંતિમ નિર્ણય જીએસટી કાઉન્સિલ લેશે.
જીઓએમએ 20 લિટર અને તેનાથી વધુની પાણીની બોટલો પર જીએસટી 18 ટકાથી ઘટાડીને પાંચ ટકા કરવાનું સૂચન કર્યું હતું. આ ઉપરાંત પ્રેક્ટિસ નોટબુક પર જીએસટી 12 ટકાથી ઘટાડીને પાંચ ટકા કરવાની ભલામણ પણ કરવામાં આવી હતી. તેવી જ રીતે 10,000 રૂપિયાથી ઓછી કિંમતની સાયકલ પરનો GST 12 ટકાથી ઘટાડીને પાંચ ટકા કરવાનો સૂચન છે. જીઓએમએ રૂ. 15,000થી વધુની કિંમતના જૂતા અને રૂ. 25,000થી વધુની કાંડા ઘડિયાળ પર જીએસટી 18 ટકાથી વધારીને 28 ટકા કરવાનું પણ સૂચન કર્યું હતું.
શનિવારે યોજાયેલી બેઠક
તમને જણાવી દઈએ કે જીવન અને સ્વાસ્થ્ય વીમા સહિત અન્ય મુદ્દાઓ પર નિર્ણય લેવા માટે શનિવારે મંત્રીઓના જૂથ એટલે કે GoMની બેઠક યોજાઈ હતી. બેઠક દરમિયાન, વરિષ્ઠ નાગરિકો સિવાયની વ્યક્તિઓ માટે રૂ. 5 લાખ સુધીના કવરેજ સાથે આરોગ્ય વીમા માટે ચૂકવવામાં આવતા પ્રીમિયમ પર GST મુક્તિ આપવાનો નિર્ણય લેવામાં આવ્યો હતો. તે જ સમયે, 5 લાખ રૂપિયાથી વધુના સ્વાસ્થ્ય વીમા કવરેજ માટે ચૂકવવામાં આવેલા પ્રીમિયમ પર 18 ટકા GST વસૂલવાનું ચાલુ રહેશે. હાલમાં, ટર્મ પોલિસીઓ અને ફેમિલી ફ્લોટર પોલિસીઓ માટે ચૂકવવામાં આવતા જીવન વીમા પ્રીમિયમ પર 18 ટકા GST વસૂલવામાં આવે છે.
ગયા મહિને GoMની રચના થઈ હતી
GST કાઉન્સિલે, ગયા મહિને તેની બેઠકમાં, આરોગ્ય અને જીવન વીમા પ્રિમીયમ પર કર અંગે નિર્ણય લેવા માટે 13 સભ્યોના મંત્રી જૂથની રચના કરવાનો નિર્ણય લીધો હતો. સમ્રાટ ચૌધરી ગ્રુપ ઓફ મિનિસ્ટર્સના કન્વીનર છે. તેમાં ઉત્તર પ્રદેશ, રાજસ્થાન, પશ્ચિમ બંગાળ, કર્ણાટક, કેરળ, આંધ્ર પ્રદેશ, ગોવા, ગુજરાત, મેઘાલય, પંજાબ, તમિલનાડુ અને તેલંગાણાના મંત્રીઓ સામેલ છે. મંત્રીઓના જૂથને ઓક્ટોબરના અંત સુધીમાં કાઉન્સિલને તેનો અહેવાલ સુપરત કરવાનો નિર્દેશ આપવામાં આવ્યો હતો.
આ પણ વાંચો – દિવાળી ઉપર સોનું ખરીદવું કેમ જરૂરી છે ? આ પાંચ કારણો જાણીને તમે પણ રોકાણ કરશો
