પૂર્વ મંત્રીએ કર્યો ખુલાસો.ઇમરાન ખાનને લઈને આગામી ૭૨ કલાકમાં કંઈક મોટું થવાનું છેઇમરાન ખાન સરકારના પૂર્વ મંત્રી ફવાદ ચૌધરીએ કહ્યું છે કે, આગામી ૭૨ કલાકમાં કંઈક મહત્વપૂર્ણ બનવાનું છ.પૂર્વ પાકિસ્તાની વડાપ્રધાન ઇમરાન ખાનને લઈને સસ્પેન્સ વધી રહ્યું છે. તેમની હત્યાની અફવાઓએ સમર્થકો અને પરિવારના સભ્યોની ચિંતા વધારી દીધી છે, છતાં તેમને હજુ પણ ઇમરાનનો ચહેરો બતાવવામાં આવી રહ્યો નથી. જ્યારે પાકિસ્તાની જેલરે કહ્યું છે કે, ઇમરાન સ્વસ્થ છે, તેમણે હજુ સુધી તેમની તબિયતનો કોઈ પુરાવો આપ્યો નથી. આ દરમિયાન, ઇમરાન ખાન સરકારના પૂર્વ મંત્રી ફવાદ ચૌધરીએ એક મહત્વપૂર્ણ દાવો કર્યો છે. વધતા દબાણ વચ્ચે, તેમણે ૭૨ કલાકનું અલ્ટીમેટમ આપ્યું છે.
ઇમરાન ખાનના મંત્રીમંડળના પૂર્વ માહિતી અને પ્રસારણ મંત્રી ફવાદ ચૌધરીએ એક ઇન્ટરવ્યુમાં ખુલાસો કર્યો હતો કે, ઇમરાન ખાનનો ચહેરો ૭૨ કલાકની અંદર દેખાડી શકાય છે. તેમણે કહ્યું કે, “મારું માનવું છે કે, ઇમરાન ખાનના પરિવારને ૭૨ કલાકની અંદર તેમને મળવાની મંજૂરી આપવામાં આવશે.” ફવાદે વધુમાં કહ્યું કે, “સરકારે પરિવારના સભ્યો અને PTI ના સભ્યોને તેમને મળવાની અને ઇમરાન ખાનને મુક્ત કરવાની મંજૂરી આપવી જાેઈએ. પાકિસ્તાનમાં અદાલતો અપ્રસ્તુત બની ગઈ છે.”
ફવાદે કહ્યું કે, “અમે સરકાર સાથે વાત કરી છે, અને સરકાર પણ વધતી જતી અશાંતિને શાંત કરવા માંગે છે. જેલ વહીવટીતંત્રે ઇમરાન ખાનના સ્વસ્થ થવાનો દાવો કર્યો છે, પરંતુ પ્રશ્ન એ છે કે, શું સરકારે ઇમરાન ખાનના પુત્ર, તેમના પરિવાર અને પાર્ટીના સભ્યોને તેમની માંગણીઓ અંગે ખાતરી આપવા માટે કંઈક કરવું જાેઈએ.”
તેમણે જેલમાંથી એક ફોટો દ્વારા ઇમરાન ખાનના સ્વાસ્થ્યના પુરાવાના અભાવ વિશે પણ ખુલીને વાત કરી હતી. તેમણે કહ્યું કે, ‘જ્યારથી ઈમરાન ખાન જેલમાં છે, ત્યારથી તેમનો ફોટો બહાર આવતો નથી, કારણ કે સરકારને લાગે છે કે, પાકિસ્તાનના લોકો પર તેમનો પ્રભાવ એટલો બધો છે કે, જાે ફોટો બહાર આવશે તો સરકાર મુશ્કેલીમાં મુકાઈ જશે.
