ફહીમ અશરફની બાજી સાથે પાકિસ્તાને નેધરલેન્ડને ટૂંકા ઓવરમાં હરાવ્યો

૧૪૮ રનના લક્ષ્યાંકનો પીછો કરવા મેદાને ઉતરેલી પાકિસ્તાનની ટીમ ૧૮ ઓવરમાં સાત વિકેટે ૧૧૯ રન બનાવી હારની નજીક જઇ રહી હતી. પરંતુ છેલ્લી બે ઓવરમાં ૨૯ રન બનાવીને બાજી પલટી નાંખી. ફહીમ પાકિસ્તાન માટે ગેમ ચેન્જર બન્યો. તેણે ૧૧ બોલ પર ૨૯ રન કર્યા. જેમાં ૩ છગ્ગા ફટકાર્યા હતા.
૧૯મી ઓવરે આખી મેચ બદલી નાખી. લોગન વાન બીક ૧૯મી ઓવર કરવા આવ્યો હતો અને પાકિસ્તાનના ફહીમ અશરફ અને શાહીન આફ્રિદીએ આ ઓવરમાં ૨૪ રન બનાવ્યા હતા. ફહીમે ઓવરના પહેલા બોલ પર છગ્ગો ફટકાર્યો હતો, પરંતુ મેક્સ ઓ‘ડાઉડે બીજા બોલ પર ફહીમનો આસાન કેચ છોડી દીધો. ત્યારબાદ ફહીમે તેને મળેલા જીવનનો પૂરો ફાયદો ઉઠાવ્યો, તેણે આગામી ચાર બોલમાં બે છગ્ગા અને એક ચોગ્ગા ફટકાર્યા હતા.

છેલ્લી ઓવરમાં જીત માટે પાંચ રનની જરૂર હતી, પરંતુ પાકિસ્તાને ત્રણ બોલમાં પાંચ રન બનાવ્યા. આમ, પાકિસ્તાને ૧૯.૩ ઓવરમાં સાત વિકેટ ગુમાવીને લક્ષ્ય હાંસલ કરી લીધું. ફહીમે ૧૧ બોલમાં બે ચોગ્ગા અને ત્રણ છગ્ગાની મદદથી ૨૯ રન બનાવ્યા, જ્યારે શાહીન આફ્રિદી પાંચ રન બનાવીને અણનમ રહ્યો.