દિગ્દર્શક પ્રશાતં વર્માએ જ ફોટા પોસ્ટ કર્યા.મહાકાલીના સેટ પરથી શુક્રાચાર્ય અક્ષય ખન્નાના ફોટા વાયરલ.અભિનેતા અક્ષય ખન્નાએ ‘ધુરંધર’ માં ડાકુ ‘રહેમાન ડકૈત’ ની ભૂમિકા ભજવીને ચાહકોના દિલ જીતી લીધા હતા.ફિલ્મ ‘ધુરંધર’ માં પોતાના અભિનય પછી, અક્ષય ખન્ના ફરી એકવાર એક અલગ અને શક્તિશાળી અવતારમાં દેખાવા માટે તૈયાર છે. એમની આગામી ફિલ્મ, ‘મહાકાલી’માંથી તેમનો પહેલો લૂક હવે જાહેર કરવામાં આવ્યો છે. આ ફિલ્મમાં,એ અસુર ગુરુ, શુક્રાચાર્યની ભૂમિકા ભજવતા જાેવા મળશે. અક્ષય ખન્નાએ ‘ધુરંધર’ માં ડાકુ ‘રહેમાન ડકૈત’ ની ભૂમિકા ભજવીને ચાહકોના દિલ જીતી લીધા. આ ભૂમિકા સાથે તેમણે ફક્ત બધાને મોહિત કર્યા જ નહીં, પરંતુ ફિલ્મમાં સંપૂર્ણપણે લાઈમલાઈટ પણ ચોરી લીધી. હવે, તેઓ તેમના આગામી ફીચરમાં વધુ એક શાનદાર અભિનય આપવા માટે તૈયાર છે. ફિલ્મમાંથી તેમનો લૂક તાજેતરમાં જ જાહેર કરવામાં આવ્યો હતો.
અક્ષય ખન્નાના જન્મદિવસ નિમિત્તે, ફિલ્મ નિર્માતા પ્રશાંત વર્માએ તેમની આગામી ફિલ્મ,’મહાકાલી’ માંથી અભિનેતાનો પડદા પાછળનો ફોટો સોશિયલ મીડિયા પર શેર કર્યાે. આ ફિલ્મ સાથે, અક્ષય ખન્ના તેલુગુ સિનેમામાં ડેબ્યૂ કરી રહ્યો છે. તે ‘શુક્રાચાર્ય’ ના પાત્રમાં જાેવા મળશે, જેને એક શક્તિશાળી અસુર ગુરુ તરીકે દર્શાવવામાં આવ્યો છે. જે ક્ષણે તેનો લૂક જાહેર થયો, ચાહકોનો ઉત્સાહ વધી ગયો હતો.પ્રશાંત વર્માની ‘મહાકાલી’ તેમના સિનેમેટિક બ્રહ્માંડનો એક ભાગ છે. બિગ બજેટની આ ફિલ્મમાં ભૂમિ શેટ્ટી પણ મુખ્ય ભૂમિકામાં છે. એવું પણ અનુમાન કરવામાં આવી રહ્યું છે કે આ ફિલ્મ પ્રથમ મહિલાલક્ષી સુપરહીરો ફિલ્મ હશે. આ ફિલ્મનું દિગ્દર્શન પૂજા અપર્ણા કોલુરુ કરી રહી છે. અક્ષયનો લૂક રિલીઝ થતાં જ, તે સોશિયલ મીડિયા પર વાઈરલ થઈ ગયો હતો.અક્ષયના આ નવા અવતારથી ચાહકો ખૂબ જ ખુશ છે. ફિલ્મ નિર્માતા વર્માએ અક્ષય ખન્નાના વખાણ કરતી એક પોસ્ટ શેર કરી, જેમાં લખ્યું કે અક્ષય એક એવો અભિનેતા છે જેને પોતાની કુશળતા સાબિત કરવા માટે કોઈ નાટક કે યુક્તિઓની જરૂર નથી. તેની અભિનય કુશળતા અને સ્ક્રીન પર હાજરી ખરેખર અનોખી છે.
