ઈસ્લામાબાદમાં અમેરિકા-ઈરાન શાંતિ મંત્રણા, જે.ડી. વેન્સ હાજરી આપશે

ઉપરાષ્ટ્રપ્રમુખ ટ્રમ્પે એવું પણ કહ્યું કે, ‘રાષ્ટ્રપ્રમુખ ડોનાલ્ડ ટ્રમ્પે મને વાતચીત કરવા માટે ખાસ નિર્દેશ આપ્યા છે.’ એટલે કે વેન્સ પોતાની મરજીથી નહીં, પરંતુ ટ્રમ્પની શરતો મુજબ વાતચીત કરશે. આ બેઠક માત્ર બે દેશો જ નહીં, વિશ્વ માટે ખૂબ જ મહત્ત્વની છે. જાે વાતચીત સફળ થશે તો યુદ્ધ સંપૂર્ણ બંધ થઈ શકે છે અને ક્રૂડ ઓઈલનો રસ્તો ખુલી શકે છે. બેઠક સફળ થયા બાદ ક્રૂડની કિંમતોમાં ધરખમ ઘટાડો થવાની પણ આશા છે. પરંતુ જાે વાતચીત નિષ્ફળ ગઈ તો ફરી સ્થિતિ બગડી શકે છે.
ઉલ્લેખનીય છે કે, અમેરિકા અને ઈઝરાયલે ઈરાન પર હુમલો કર્યો હતો. ત્યારબાદ એક મહિનાથી પણ વધુ સમય ભયાનક યુદ્ધ ચાલ્યું હતું. ઈરાને પણ આક્રમક વલણ અપનાવીને હોર્મુઝ જળમાર્ગ બંધ કરી દીધો હતો, જેના કારણે આ માર્ગેથી વિશ્વભરમાં પહોંચતો સપ્લાય અટકી ગયો હતો. આ દરમિયાન ક્રૂડ ઓઈલના ભાવમાં પણ ધરખમ વધારો થયો હતો, એટલું જ નહીં વિશ્વભરમાં તેલની અછત પણ ઉભી થઈ ગઈ હતી. જાેકે હવે અમેરિકા અને ઈરાન વચ્ચે થોડા સમય માટે યુદ્ધવિરામ થઈ ગયું છે, જેના કારણે ક્રૂડના ભાવ ઘટવાની સાથે વિશ્વભરના શેર માર્કેટોમાં પણ અદમ્ય ખુશી જાેવા મળી છે. હવે યુદ્ધવિરામ પર ફાઈનલ મહોર મારવા માટે અને યુદ્ધને બંધ કરવા માટે ઈસ્લામાબાદમાં વાતચીત થવાની છે. આવતીકાલે ઈસ્લામાબાદમાં યોજાનારી બેઠક વિશ્વભરની નજર ટકેલી છે.