બેંક એફડી પર વરિષ્ઠ નાગરિકોને મળતા વ્યાજ પર ડિસ્કાઉન્ટ અંગે ઘણી ચર્ચા થઈ રહી છે. નાણામંત્રી નિર્મલા સીતારમણે પણ 2025-26ના બજેટમાં યુવાનોને ખુશ કર્યા છે. તેમણે બેંકમાં FD પર મળતા વ્યાજ પર TDS ની મર્યાદા વધારી દીધી છે. અગાઉ, બેંક એફડીમાંથી વ્યાજ દ્વારા 40,000 રૂપિયા સુધીની આવક પર ટીડીએસ કાપવામાં આવતો ન હતો. હવે તે વધારીને 50 હજાર કરવામાં આવ્યું છે. એટલે કે હવે બેંકો ૫૦,૦૦૦ રૂપિયાથી ઓછી આવક પર આપમેળે TDS કાપશે નહીં.
જો FD વ્યાજમાંથી આવક 50 હજાર રૂપિયાથી વધુ હોય, તો જ બેંક TDS કાપશે અને આવકવેરા વિભાગને જાણ કરશે. જો બેંકમાં પાન કાર્ડ નંબર ઉપલબ્ધ હોય તો 10 ટકા ટીડીએસ કાપવામાં આવે છે. જો બેંકમાં પાન કાર્ડ ઉપલબ્ધ ન હોય તો FD વ્યાજની કરપાત્ર આવક પર 20 ટકા TDS કાપવામાં આવે છે. 60 વર્ષથી ઓછી ઉંમરના તમામ વ્યક્તિઓને તેનો લાભ મળશે.
1 એપ્રિલ, 2025 થી અમલમાં આવશે
ભારત સરકાર દ્વારા 60 વર્ષથી ઓછી ઉંમરના લોકો માટે બેંક એફડીમાંથી થતી કમાણી પર ટીડીએસ મર્યાદામાં વધારો 1 એપ્રિલથી લાગુ કરવામાં આવશે. વરિષ્ઠ નાગરિકો માટે બેંક એફડીમાં ટીડીએસ પર મુક્તિની મર્યાદા આનાથી અલગ છે. આની જાહેરાત બેંકો દ્વારા સમયાંતરે અલગથી પણ કરવામાં આવે છે.
લોકોના હાથમાં વધુ રોકડ રકમ મૂકવાની પહેલ
બજેટની અન્ય જોગવાઈઓ અને બેંક એફડી પર ટીડીએસની મર્યાદા વધારવાથી પણ સ્પષ્ટ થયું છે કે સરકાર મધ્યમ વર્ગ પાસેથી કર કપાત ઘટાડવા માંગે છે અને લોકોના હાથમાં વધુને વધુ રોકડ આપવા માંગે છે. તેનો ઉદ્દેશ્ય વપરાશ વધારવાનો છે.
