અક્ષય ‘સ્પેશિયલ ૨૬’ અને ‘બેબી’ બાદ નીરજ પાંડે સાથે ફરી કામ કરશે આર.ડી. બર્મનની બાયોપિકમાં અક્ષય કુમારનો ખાસ રોલ હશે આર.ડી. બર્મનની બાયોપિકનું શૂટિંગ સપ્ટેમ્બર મહિનાથી શરૂ થવાનું છે. ફિલ્મનું દિગ્દર્શન નીરજ પાંડે કરશે ‘સ્પેશિયલ ૨૬’ (૨૦૧૩) અને ‘બેબી’ (૨૦૧૫) જેવી સફળ ફિલ્મો બાદ અક્ષય કુમાર અને ડિરેક્ટર નીરજ પાંડે ફરી એકવાર સાથે કામ કરવા જઈ રહ્યા છે. જાેકે આ વખતે અક્ષય લીડ રોલમાં નહીં, પરંતુ નીરજ પાંડેની આગામી આર.ડી. બર્મનની બાયોપિકમાં એક ખાસ રોલમાં જાેવા મળશે. માહિતી અનુસાર, ફિલ્મમાં ફરહાન અખ્તર સંગીતકાર આર.ડી. બર્મનનું પાત્ર ભજવશે, જ્યારે અક્ષય કુમારનું પાત્ર શું હશે તે અંગે નિર્માતાઓએ સંપૂર્ણ ગુપ્તતા જાળવી રાખી છે. સુત્રોના જણાવ્યા અનુસાર, નીરજ પાંડેએ પાત્ર વિશે વાત કરતા જ અક્ષય કુમારે તરત જ ફિલ્મ માટે સંમતિ આપી દીધી હતી. ભલે તેની ભૂમિકા ખાસ દેખાવ પૂરતી હોય, પરંતુ વાર્તામાં તેનું મહત્વ ખૂબ જ વધારે હોવાનું કહેવાઈ રહ્યું છે.એક સૂત્રે જણાવ્યું, “અક્ષય અને નીરજ વચ્ચે વર્ષાેથી મજબુત વિશ્વાસ અને પરસ્પર સન્માન છે. નીરજે પાત્ર વિશે વાત કરતા જ અક્ષયે ફિલ્મ માટે હા પાડી દીધી. આ ખાસ રોલ છે, પરંતુ વાર્તામાં તેનું મહત્વ ઘણું મોટું છે.”‘બેબી’ પછી એક દાયકાથી વધુ સમય બાદ બંને ફરી સાથે કામ કરી રહ્યા છે. તે પહેલાં ‘સ્પેશિયલ ૨૬’ને પણ સમીક્ષકો અને દર્શકો તરફથી જાેરદાર પ્રશંસા મળી હતી. તેથી અક્ષય કુમાર અને નીરજ પાંડેની જાેડી ફરી એકવાર ચર્ચાનું કેન્દ્ર બનવાની શક્યતા છે. આર.ડી. બર્મનની બાયોપિકનું શૂટિંગ સપ્ટેમ્બર મહિનાથી શરૂ થવાનું છે. ફિલ્મનું દિગ્દર્શન નીરજ પાંડે કરશે. ફિલ્મને ભારતીય સિનેમાના મહાન સંગીતકારોમાંના એક એવા આર.ડી. બર્મનને શ્રદ્ધાંજલિ તરીકે રજૂ કરવામાં આવશે.સુત્રોના જણાવ્યા મુજબ, ફિલ્મ માટે પ્રી-પ્રોડક્શનનું કામ જાેરશોરથી ચાલી રહ્યું છે. હાલમાં સંગીત સંબંધિત બેઠકો થઈ રહી છે, જેથી આર.ડી. બર્મનના અમર સંગીતને નવી રીતે રજૂ કરી શકાય. ફિલ્મમાં મોટી સ્ટારકાસ્ટ જાેવા મળશે અને આગામી દિવસોમાં અનેક જાણીતા કલાકારો પણ મહત્વના રોલમાં જાેડાય તેવી શક્યતા છે.ફરહાન અખ્તર લીડ રોલમાં અને અક્ષય કુમારની ખાસ હાજરી સાથે આર.ડી. બર્મનની આ બાયોપિક હાલ વિકાસાધીન સૌથી ચર્ચાસ્પદ હિન્દી ફિલ્મોમાંની એક બની રહી છે.
