સાબરકાંઠા જિલ્લાના પ્રાંતિજ નજીક નદીમાં એક શ્રમિક વ્યકિત ફસાઈ જતા ૪ કલાકની જહેમત
બાદ બહાર કાઢયો : બોટની મદદથી સહીસલામત વ્યકિતને બહાર કઢાયો
સાબરકાંઠા જિલ્લાના પ્રાંતિજ તાલુકાના વાઘપુર ગામ નજીક સાબરમતી નદીમાં એક શ્રમિક વ્યકિત ફસાઈ જતાંફાયર ટીમ દ્વારા ૪ કલાકની જહેમત બાદ રેસ્કયુ કર્યુ સહી સલામત બહાર કાઢવામાં આવ્યો હતો. હવામાન વિભાગની આગાહી અનુસાર ઉત્તર ગુજરાતમાં સાબરકાંઠા જિલ્લામાં ભારે વરસાદ પડી રહ્યો છે. જેના કારણે કેટલાક નીચાણવાળા
વિસ્તારોમાં પાણીનો ભરાવો થયો છે.ત્યારે સાબરકાંઠા જિલ્લાના પ્રાંતિજ તાલુકાના વાઘપુર ગામ નજીક સુર્ય કુંડ પાસે બની રહેલ
મકાનમાં કામ કરતો શ્રમિક કાળુ ખેર નજીક આવેલ સાબરમતી નદીમાં માછલા પકડવા ગયો હતો જાે કે નદીમાં અચાનક પાણી છોડવામાં આવતા ધસમસતો પાણીનો પ્રવાહ જાેવા મળ્યો હતો. એકાએક પાણી વધતા કાળુ ખેર એક ટેકરી
ઉપર ચડી ગયો હતો. જયાં બાવળના ઝાડને પકડીને બેસી ગયો હતો અને બુમાબુમ કરતા નદી કાંઠેથી પસાર થતા એક વ્યકિત અવાજ સાંભળી જતા પ્રાંતિજ પોલીસને જાણ કરી હતી. બનાવની જાણ થતાં જ પ્રાંતિજ પોલીસ
સહિત ફાયર ટીમ તાત્કાલીક ઘટનાસ્થળે દોડી આવી હતી. જયાં રેસ્કયુ ઓપરેશન હાથ ધરી લગભગ ૪ કલાકની જહેમત બાદ કાળુ ખેર ને બહાર કાઢવામાં આવ્યો હતો.
