ભારતની ટી૨૦ ટીમમાં વાપસી મુદ્દે ગિલનો જવાબ સિલેક્શન મારા હાથમાં નથી, પણ મહેનત મારા હાથમાં છે જાે મને ટી૨૦ ટીમમાં પસંદ કરવામાં આવે તો મને ખુશી થશે : હું મારા દરેક ફોર્મેટમાં સુધારો કરવા મહેનત કરી રહ્યો છું
IPL ૨૦૨૬ માં પોતાની બેટિંગથી લાખો ચાહકોના દિલ જીતનાર અને ગુજરાત ટાઇટન્સને ફાઈનલ સુધી પહોંચાડનાર શુભમન ગિલ હાલમાં ચર્ચાનું કેન્દ્ર બન્યો છે. પોતાની કેપ્ટનશીપ અને આક્રમક બેટિંગથી સૌને પ્રભાવિત કરનાર ગિલના મનમાં એક ટીસ છે – ટીમ ઈન્ડિયાની ટી૨૦ ટીમમાં સ્થાન મેળવવાની.
IPL ૨૦૨૬ની ફાઈનલ પહેલા યોજાયેલી પ્રેસ કોન્ફરન્સમાં જ્યારે શુભમન ગિલને ભારતીય ટી૨૦ ટીમમાં વાપસી વિશે પૂછવામાં આવ્યું, ત્યારે તેણે જવાબ આપ્યો કે, જાે મને ટી૨૦ ટીમમાં પસંદ કરવામાં આવે તો મને ખુશી થશે. હું મારા દરેક ફોર્મેટમાં સુધારો કરવા માટે સતત મહેનત કરી રહ્યો છું, પછી તે ટી૨૦ હોય, વનડે હોય કે ટેસ્ટ.
IPL ૨૦૨૬માં ગિલનો દબદબો ( અત્યાર સુધીના આંકડા )
કુલ ઈનિંગ્સ: ૧૫
કુલ રન: ૭૨૨
સરેરાશ: ૪૮.૧૩
માત્ર રન જ નહીં, ગિલે નવી બોલ સામે આક્રમક અભિગમ અપનાવ્યો છે અને સ્પિનરો સામે પણ વધુ મજબૂત દેખાયો છે. આ પ્રદર્શને સિલેક્ટર્સને ફરી એકવાર વિચારવા મજબૂર કર્યા છે.
ટીમ ઈન્ડિયાનું વર્તમાન ટી૨૦ માળખું ખૂબ જ સ્પર્ધાત્મક બની ગયું છે. સંજૂ સેમસનનું સાતત્યપૂર્ણ પ્રદર્શન, અભિષેક શર્માની વિસ્ફોટક શરૂઆત, ઈશાન કિશનની વાપસી અને ખાસ કરીને ૧૫ વર્ષીય વૈભવ સૂર્યવંશી જેવી યુવા પ્રતિભાઓએ ટીમમાં સ્થાન મેળવવાની રેસને અત્યંત રોમાંચક બનાવી દીધી છે. ડિસેમ્બર ૨૦૨૫માં દક્ષિણ આફ્રિકા સામેની સીરિઝમાં મળેલા મોકાનો તે લાભ ઉઠાવી શક્યો નહોતો, જેના કારણે તેને ટી૨૦ વર્લ્ડ કપથી બહાર રહેવું પડ્યું હતું.
હવે બધો જ ર્નિણય BCCI અને પસંદગી સમિતિના અધ્યક્ષ અજીત આગરકરના હાથમાં છે. ગિલે અત્યાર સુધી ૩૬ T20I મેચોમાં ૮૬૯ રન બનાવ્યા છે. તેના આંકડા કદાચ અત્યારે સામાન્ય લાગે, પરંતુ IPL ૨૦૨૬ માં તેણે જે રીતે કેપ્ટન તરીકે દબાણ સંભાળ્યું છે, તે તેની પરિપક્વતા દર્શાવે છે. શું આ પ્રદર્શન તેને ફરી એકવાર ભારતીય ટી૨૦ ટીમમાં સ્થાન અપાવશે? આ સવાલનો જવાબ તો સમય જ આપશે.
